पाटन अस्पतालको ल्याबमा ईन्चार्जको दादागिरी,घुस्याहा चौधरीले यति सम्म गरे



पाटन अस्पतालका विभागीय प्रमुख डा. ऋतु बराल र ल्याब इन्चार्ज चतुरनारायण चौधरीको मनोमानीका कारण ल्याबको अवस्था अस्तव्यस्त बनेको पाइएको छ ।

स्वास्थ्य विज्ञान प्रतिष्ठानमा रुपान्तरण भइसक्दा पनि कार्यप्रकृतिको आधारमा ल्याबमा विभिन्न शाखाहरु खोलिएका छैनन् । यसप्रति कर्मचारीहरुले लामो समयदेखि असन्तुष्टि प्रकट गर्दै आएका छन् । स्वास्थ्य निर्देशिका अनुसार ल्याब भित्र विभिन्न सेक्सन छुट्याएर ईन्चार्ज नियुक्ति गर्नुपर्ने प्रावधान रहेको छ । ल्याब विभागका प्रमुख बरालले सो निर्देशिकामा रहेको प्रावधानलाई लत्याउँदै आएको पनि एक कर्मचारीले बताए ।

दिनानुदिन अस्तव्यस्त बन्दै गएको ल्याबको अवस्थामा बारे ध्यानाकर्षण गराउँदा समस्या समाधान गर्नुको साटो प्रमुख बराल र ल्याब इन्चार्ज चौधरीले उल्टै धम्क्याउने गरेको कर्मचारीहरु बताउँछन् । केही दिन अघि मात्रै इन्जार्ज चौधरीले एक कर्मचारीमाथि कुटपिट समेत गरेका थिए ।

ल्याबमा कार्यरत दुई जना ल्याब असिस्टेन्टलाई लिखितमा पास गर्दा पनि अन्तर्वार्तामा फालिएको कर्मचारीहरुको आरोप रहेको छ । वरिष्ठ टेक्निसियन पवन श्रेष्ठको नियमानुसार बढुवा हुनुपर्नेमा अर्कै कनिष्ठ कर्मचारीको बढुवा गरेका थिए । यसले श्रेष्ठलाई अन्याय र अरु कर्मचारीहरुलाई काम गर्न हतोत्साहित पारेको ल्याबका एक कर्मचारीले नाम उल्लेख नगर्ने शर्तमा बताए ।

ल्याब जस्तो संवेदनशील ठाउँमा पनि मानसिक तनाबमा काम गर्नुपरिरहेको कर्मचारीहरुको भनाई रहेको छ । ‘प्रशासनको मनोमानी विरुद्ध आवाज उठाएमा विरोध गर्ने कर्मचारीलाई विभिन्न स्पष्टिकरण सोधेर हैरान पार्ने गर्छन् ।’ एक कर्मचारीले भने ।

अस्पताल प्रशासन र विभागीय प्रमुख डा. बरालको गैरजिम्मेवारीका कारण दुई वर्ष अघि रगत जाँच गर्ने भिट्रस मेशीन एक महिना शिलबन्दी गर्दा हजारौं विरामीहरु प्रभावित भएको थियो । ल्याबका कर्मचारीहरुलाई समेत कुनै जानकारी नदिई मेशीन बन्द गरिएको कर्मचारीहरुको भनाई रहेको छ । ल्याबमा सुधारको लागि अस्पतालका निर्देशक डा विष्णु शर्मासमक्ष पटक पटक लिखित सुझावहरु दिँदा समेत बेवास्ता गर्दै आएको पनि ती कर्मचारीले बताए ।

यस विषयमा प्रयोगशाला कर्मीहरुको देशभरको सञ्जाल शाखाको रुपमा रहेको साझा संस्था मेलान क्षेत्र नं ३ का अध्यक्ष शंकर पौडेलले पाटन ल्याबमा ठूलो बेथिति रहेकोमा उजुरी परेको बताउँदै संवादबाट समस्या समाधान गर्न सुझाव दिँदै आएको जानकारी दिनुभयो ।
अस्पतालका उपकुलपति चिकित्सक भरत यादवले ल्याबमा सामान्य विवादहरु भइरहेको जानकारी दिनुभयो । उहाँले विवाद समाधानका लागि पहल भइरहेको बताउँदै भन्नुभयो– ‘मेरो तर्फबाट या भनौँ अस्पताल प्रशासनको तर्फबाट समयमै समस्या समाधानका लागि प्रयास भइरहेको छ । ’

अस्पतालका निर्देशक डा शर्माले यो विषय सामान्य रहेको बताउनुभयो । ‘यसलाई ठूलो ईस्यु नै बनाउनुहुँदैन ।’ उहाँले भन्नुभयो–‘त्यस्तो विवाद छ जस्तो मलाई लाग्दैन । भयो भने हामी हाम्रो आन्तरिक तवरले समाधान गर्दछौ ।’
मन्त्रीस्तरीय हालै बसेको बैठकले डा बराललाई राप्ती स्वास्थ्य विज्ञान प्रतिष्ठानको डीनमा नियुक्त गरेको थियो ।

प्रतिक्रिया दिनुहोस
सरकारी अस्पतालमा लाइन बस्न नपर्ने बनाउँछौं : प्रदीप पौडेल

    नवनियुक्त स्वास्थ्य तथा जनसंख्यामन्त्री प्रदीप पौडेलले एक महिनाभित्र सरकारी अस्पतालमा सेवा

जंगली च्याउ खाँदा ३ जनाको मृत्यु, १६ बिरामी

    जङ्गली च्याउ खाँदा मकवानपुरमा ३ जनाको मृत्यु भएको छ भने १६

ग्लोबल आइएमई बैंकका ग्राहकलाई आरुष लाइफस्टाइल हस्पिटलमा ३० प्रतिशतसम्म छुट

    ग्लोबल आइएमई बैंक लिमिटेड र आरुष लाइफस्टाइल हस्पिटल प्रालि बीच बैंकको

काठमाडौँको तापक्रम आज पनि उच्च

  जल तथा मौसम विज्ञान विभाग मौसम पूर्वानुमान महाशाखाले आज पनि काठमाडौं उपत्यकाको