एनआरएनए युकेको महासचिवमा लिम्बुको उमेद्वारी, बेलायतबासी नेपाली भन्छन उनकै छ पल्लाभारी
एनआरएनए यूकेको आगामी सेप्टेम्बर ९ मा हुने अधिवेसनका लागी अहिलेका प्रवक्ता खुशी लिम्बुले महासचिवमा उमेदवारी दिने घोषणा गरेका छन । प्रखर बक्ता र सबैलाई मिलाएर लैजान सक्ने क्षमताका धनी उनी नेपाली समुदाय बीच चर्चित पनि छन्।
उम्मेदवारी घोषणा गर्दै उनले भने -‘आफुले ब्यक्तिगत रुपमा महासचिवको उमेदवारी दिने र कुनै पनि गुट –उपगुट भन्दा माथि रहेर काम गर्ने समेत बताएका छन ।’
‘आगामी अगष्ट ७ सम्म सदस्यता लिने समय सीमाबीच खुसी लिम्बुले हाल सदस्यता नविकरण र नयाँ विस्तारको प्रचार प्रसार तीव्र बनाइरहेको बताए ।’ आफु महासचिव भएमा एनआरएनए यूकेलाई अरु उचाइमा लैजान सक्ने भन्दै उनले १२ बुंदे घोषणापत्र सार्वजनिक गरेका छन् ।
लिम्बुले नेपाल हाउस प्रोजेक्टको निरन्तरता, एनआरएनए यूके बर्ष अवार्डको स्थापना, यूकेमा क्षेत्रीय समितिहरुको गठन, दूतावाससंगको सहकार्यमा नेपाल र बेलायतबीच प्रत्यक्ष हवाई उडान सेवा पुनः संचालन जस्ता महत्त्वपूर्ण योजना पुरा गर्न आफु लागी पर्ने कुरा अघि सारेका छन् ।
लिम्बुले ब्यक्त गरेका प्रतिबद्दताहरु
१. अग्रजहरुले शुरुवात गरेको र वर्तमान कार्यसमितिले निश्चित उचाईंमा पुरयाएको बेलायतमा नेपाल हाउस परियोजनालाई आगामी दुई वर्षको कार्यकालमा एउटा तार्किक चरणसम्म पुरयाउनेछु ।
२. एनआरएनए यूकेलाई बेलायतका नेपालीहरुबीच बढि जिम्मेवारी बनाउन च्यारिटी र मानव कल्याणका कार्यहरुमध्ये न्यूनतम ४० प्रतिशत कामहरु बेलायतमुखी बनाउनेछु ।
३. प्रवक्ता हुंदा सम्हालेको प्रेस विभाग र च्यारिटी विभाग लगायत गैर आवासीय नेपाली संघ बेलायतका अन्य विभागहरुलाई बढि जिम्मेवार र सक्रिय बनाउनेछु ।
४. गैर आवासीय नेपाली संघ बेलायतमा युवा, महिला, गोर्खा र जनजाति लगायत विभिन्न समुदाय, उपसमुदाय, तह र तप्काका नेपालीहरुको एनआरएनए यूकेमा सहभागिता अभिवृद्धि गर्न विभिन्न विधामा एनआरएनए यूके बार्षीक अवार्ड स्थापना गर्नेछु र बितरण गर्नेछु।
५. वान एनसीसी वान प्रोजेक्ट लगायत संघले नेपालमा गर्दैआएको परोपकारी कार्यहरुलाई संस्थागत गरि निरन्तरता दिनेछु ।
६. सञ्चार माध्यमहरुलाई अरु उपयोगी र प्रभावकारी ढंगले सञ्चालन गर्नेछु साथै एनआरएनए यूकेको आन्तरिक ब्यवस्थापन चुस्त र स्फूर्त राख्नेछु ।
७. पहिलो बर्ष भित्रमै यूकेका विभिन्न स्थानमा क्षेत्रीय कमिटी गठन गर्नेछु ।
८. गैर आवासीय नेपालीहरुको लागि विभेदकारी नीति रहेको संविधानको धारा १४ र धारा २९१ संशोधनका लागि विभिन्न जनचेतनामुलक कार्यक्रमहरु ल्याउनेछु ।
९. अनलाइन भोटिङ पद्धतिको विकास गरी आजसम्मकै अधिकतम संख्यामा पञ्जिकृत सदस्य संख्या विस्तार गर्नेछु । १०. आइसीसीले हालै शुरु गरेको केन्द्रीय सञ्चार प्रणालीलाई बढी उपयोगी र प्रभावकारी बनाउन सचिवालयसंग नजिकमा रहेर प्रत्यक्ष सहयोग पुरयाउने कार्यलाई निरन्तरता दिनेछु ।
११. नेपाल र बेलायतबीच प्रत्यक्ष हवाई उडान सेवा पुन संचालन गर्न नेपाली दूतावास लन्डनसंग मिलेर एनआरएनए यूकेको तर्फबाट विशेष पहल गर्नेछु ।
१२. एनआरएनए युरोपको २०१९ मा हुने १२ औं क्षेत्रीय बैठक बेलायतमा गर्नका निम्ति युरोपेली स्तरमा विशेष भूमिका खेल्नेछु ।
यी र यस्तै लक्ष्यका साथ बेलायतमा बसोबास गर्ने गैर(आवासीय नेपाली नागरीकहरुलाई सकेसम्म कम सदस्यता शुल्क चार्ज गरी सबैलाई समेट्ने लिम्बुको कार्ययोजना रहेको छ । यूकेमा बसोबास गर्ने सबै गैर(आवासीय नेपालीहरुलाई एनआरएनको सदस्य बनेर बिजयी गराइदिन अपिल गरेका छन् ।