निर्वाचन आयोगले गर्यो एमाले छाडने ८ वडाध्यक्षको पदमुक्त
निर्वाचन आयोगले नेकपा (एमाले) बाट निर्वाचित भई अन्य दलमा प्रवेश गरेका ८ जना वडाध्यक्षको पद रिक्त गर्ने निर्णय गरेको छ । सम्बन्धित दलको जानकारीको आधारमा उनीहरूको पद रिक्त भएको भएको हो ।
आयोगद्वारा जारी सूचनामा २०७९ सालको स्थानीय तह निर्वाचनमा निर्वाचित ती जनप्रतिनिधिहरूले दल त्याग गरेकोले उनीहरूको पद स्वतः रिक्त भएको उल्लेख छ । एमाले केन्द्रीय सचिवालयले ती जनप्रतिनिधिहरूले दल त्याग गरी अन्य दलमा प्रवेश गरेको जानकारी आयोगलाई दिएको थियो । पदमुक्त भएका वडाध्यक्षमा ओखलढुंगाका मात्र ३ जना छन् ।
पद रिक्त भएका वडाध्यक्षहरूको नामावली
१. कमल बहादुर बानिया – मोलुङ गाउँपालिका-१, ओखलढुङ्गा
२. कमल तामाङ – मोलुङ गाउँपालिका-६, ओखलढुङ्गा
३. सुरेश कुमार थापा – चम्पादेवी गाउँपालिका-७, ओखलढुङ्गा
४. राजकुमार पन्थी – माथागढी गाउँपालिका-१, पाल्पा
५. होमप्रसाद बजगाईं – बागमती गाउँपालिका-७, ललितपुर
६. रामकुमार श्रेष्ठ – लेटाङ नगरपालिका-४, मोरङ
७. महेशकुमार खनाल – रंगेली नगरपालिका-१, मोरङ
८. मधुसुदन शर्मा – घोराही उपमहानगरपालिका-४, दाङ
