रास्वपा महाधिवेशन : भोट हाल्न एकजनालाई १० मिनेट लाग्ने
रास्वपाका महामन्त्री कवीन्द्र बुर्लाकोटीले जारी महाधिवेशनमा मतदान सुरु हुन अझै दुई तीन घण्टा लाग्नसक्ने बताएका छन् । महाधिवेशन स्थलमा सञ्चारकर्मीहरूसँग कुरा गर्दै केन्द्रीय सदस्यका लागि ३७० भन्दा धेरैको उम्मेदवारी परेको बताए । उनले भने, प्राविधिकहरूले मतदान छिटोभन्दा छिटो सुरु गर्नको लागि काम गरिराख्नुभएको छ, निर्वाचन आयोगले पनि आफ्नो काम गरिराखेको छ ।
उनले एक जनालाई करिब ७ देखि १० मिनेटसम्म लाग्ने अनुमान गरिएको बताए। मतदान सकिएको दुई घण्टाभित्र परिणाम आइसक्ने बताए । प्रतिनिधिको समस्या सञ्चालन गर्नको लागि तीन वटा डेस्क सञ्चालन गरिएको बताए । उनले आफूले गृहमन्त्री सुधन गुरुङलाई प्रस्तावक राखेर केन्द्रीय सदस्यमा उम्मेदवारी दिएको पनि जानकारी दिए ।
