९९ केन्द्रीय सदस्यका लागि रास्वपाको ३८४ जना उम्मेदवार
रास्वपाको केन्द्रीय सदस्यको लागि ३८४ जनाले उम्मेदवारी दिएका छन् । महाधिवेशन स्थलमा सञ्चारकर्मीहरूसँग कुरा गर्दै प्रवक्ता मनिष झाले उम्मेदवारको प्रारम्भिक नाम सार्वजनिक भइसकेको बताए । उम्मेदवारमाथि दाबी विरोधका लागि ५ बजेसम्मको लागि समय दिएको उनले बताए। ६ः३० बजेसम्ममा अन्तिम नामावली सार्वजनिक गरेर ७ः३० बाट मतदान सुरु गरिसक्ने बताए । मतदान सुरु भएको ४ घण्टामा मतदान सकिने र सकिएको २ घण्टामा मतपरिणाम सार्वजनिक हुने बताए । प्रारम्भिक नामावलीमा दाबीविरोधपश्चात आवश्यकताअनुसार परिमार्जन गरी फाइनल सूची प्रकाशन गरिने निर्वाचन आयोगका सदस्य गोकुल सापकोटाले बताए ।
