ऊर्जामा रुपान्तरणीय पहुँचको सुनिश्चिततामा जोड



काठमाडौँ । आधुनिक ऊर्जामा अतिकम विकसित मुलुकको पहुँच सुनिश्चित नहुँदा समृद्धितर्फको ती देशको यात्रा कठिन भएको संयुक्त राष्ट्रसंघीय व्यापार विकास सम्मेलन (अंकट्याड)को नवीनतम प्रतिवेदनले देखाएको छ ।

विश्वभर आज एकैपटक सार्वजनिक भएको सन् २०१७ को प्रतिवेदनले संसारभरका ४७ अतिकम विकसित देशलाई गरिबीको दुष्चक्रबाट मुक्त गर्न पर्याप्तमात्रामा ऊर्जामा पहुँच विस्तार गर्नुपर्ने आवश्यकता औँल्याएको छ । समग्रमा प्रतिवेदनले ऊर्जामा रुपान्तरणीय पहुँचको सुनिश्चिततामा जोड दिएको छ ।

दिगो, भरपर्दो र खरिद गर्न सकिने आधुनिक ऊर्जामा पहुँच विस्तार नगरेसम्म दिगो विकासका लक्ष्य हासिल हुन नसक्ने र अतिकम विकसित राष्ट्रका स्तरोन्नतिका चाहना पनि पूरा नहुने यथार्थ प्रतिवेदनले चित्रण गरेको छ ।

संयुक्त राष्ट्रसंघले सन् २०३० सम्ममा विश्वका कुनै पनि मुलुक विकासका दृष्टिले पछि नपरुन् भन्ने उद्देश्यले दुई वर्षअघि दिगो विकासका १८ वटा लक्ष्य निर्धारण गरेको थियो । उक्त लक्ष्यअन्तर्गत सातौँ लक्ष्यका रुपमा अघि सारिएको आधुनिक ऊर्जामा सबैको पहुँच सुनिश्चित गर्नु चुनौतीपूर्ण भएको छ ।

प्रतिवेदनअनुसार विकासको सूचकका रुपमा ऊर्जाको उपयोगलाई लिइएको छ । उत्पादकत्व वृद्धिमा बिजुलीलगायत स्वच्छ ऊर्जाको प्रयोग हुनुपर्नेमा जोड दिइएको छ । नेपाललगायत एशियाका नौवटा अतिकम विकसित देशले ऊर्जाको उपयोग बत्ती बाल्ने, टेलिभिजन हेर्ने र मोबाइल चार्ज गर्नेजस्ता घरायसी एवं अनुत्पादक क्षेत्रमा उपयोग गरिरहेका छन् ।

प्रतिवेदनअनुसार विश्वका एक अर्ब मानिस बिजुलीको पहुँचभन्दा बाहिर छन् भने अल्पविकसित देशका ५७ करोड सर्वसाधारणले बिजुली बत्ती बाल्न पाएका छैनन् ।

प्रतिक्रिया दिनुहोस
औद्योगिक क्रान्तिमा पछाडि परेका देशका चुनौती सम्बोधन गर्न प्रधानमन्त्रीको आग्रह

    प्रधानमन्त्री पुष्पकमल दाहाल ‘प्रचण्ड’ले विश्वव्यापी शान्ति र साझा समृद्धि सुनिश्चित गर्नका

ट्यांकर चालक संघ र सरकारबीच सहमति

    नेपाल पेट्रोलियम ट्यांकर चालक संघ र सरकारबीच वार्ता सकारात्मकरूपमा टुंगिएको छ

काठमाडौंमा पेट्रोलियम पदार्थको अभाव

    काठमाडौंका पेट्रोल पम्पहरू बन्द गरिएको छ । हिजो साँझबाटै पेट्रोल अभाव

मकवानपुर थानाभर्‍याङको तेस्रो ठूलो सबस्टेसन सञ्चालनमा

    प्रधानमन्त्री पुष्पकमल दाहाल ‘प्रचण्ड’ ले ४०० केभीको हेटौंडा सबस्टेसन उद्घाटन गरेका