परिआए एमालेले राजपाका नेताको बास काठमाडौँबाट उठाउने,पाण्डेले भने-उनीहरुलाई मधेशमै धुलो पार्छन



नेकपा एमालेले निषेधको राजनीति नत्यागे राष्ट्रिय जनता पार्टी नेपालका नेतालाई काठमाडौंमा बस्न नदिने चेतावनी दिएको छ ।
नेपाली रेडियो नेटवर्कको कार्यक्रम नेपाली बहसमा पत्रकार ऋषि धमलासँग कुरा गर्दै एमाले नेता एवं सांसद राजेन्द्र पाण्डेले मधेसमा एमालेका कार्यक्रममा आक्रमण गर्ने, नेताहरुमाथि अवरोध गर्ने संवैधानिक, गैरकानूनी र उच्छृङखल गतिविधि नरोके राजपाका नेतालाई काठमाडौंमा बस्न अवस्था नरहने चेतावनी दिएका हुन् । आफ्ना कार्यकर्तालाई राजनीति संस्कार सिकाउन राजपाका नेतालाई उनले सुझाव समेत दिए ।

प्रदेश नम्बर २ मा त यहाँहरुलाई चुनाव लड्न पनि गारो देखिएको छ नि ? शीर्ष नेताहरुमाथि नै आक्रमण भएको छ भन्ने प्रश्नमा नेता पाण्डेले भने-

केही गारो छैन । आक्रमण हुनु राम्रो कुरा होइन । महन्थ ठाकुर, राजेन्द्र महतो र महेन्द्र यादवले त्यहाँका जनतालाई उचाल्ने र एमालेमाथि प्रहार गर भन्दा उनीहरुलाई पनि बस्ने ठाउँ चाहिएला नि । उनीहरु बस्ने त काठमाण्डौ नै हो नि । यस्तो खालको व्यवहार गर्नु गलत हो । हामी पनि चुप लागेर बस्दैनौँ । हुन त मधेशी नेताहरुबिच पनि त्यहाँ पिटापिट छ ।

एमाले अध्यक्ष केपी ओलीले बैकक बाट फर्कने क्रममा राजपालाई चेतावनी दिँदै आफूहरु प्रतिवादमा उत्रिनु नपरोस् भनेका थिए । त्यस लगत्तै नेता पाण्डेले उक्त चेतावनी दिएका हुन्।

प्रतिक्रिया दिनुहोस
बाबाको मृत्यु भएका चौथो दिनमा दाजुभाइले दिए एसइई परीक्षा

स्याङ्जा पुतलीबजार नगरपालिका ४ मा रहेको सरस्वती मावि परिक्षा केन्द्रबाट दुई जनाले माध्यमिक

स्वयम्भू र बालाजुमा नेपाल इन्भेष्टमेण्ट मेगा बैंकको नयाँ शाखा

  नेपाल इन्भेष्टमेण्ट मेगा बैंकले बिहीबारदेखि काठमाडौंमा दुई वटा नयाँ शाखाहरू विस्तार गरेको

भारतीय विदेशमन्त्री नेपाल आउँदै

  भारतीय विदेशमन्त्री एस जयशंकर बिहीबार नेपाल आउने भएका छन्। नेपाल भारत परराष्ट्रमन्त्रीस्तरीय

२ चिनियाँ जहाज भूकम्प पीडितका लागि राहत बोकेर नेपाल आइपुग्यो

  जाजरकोट र रुकुमका भूकम्प पीडितका लागि राहत बोकेर २ वटा चिनियाँ जहाज