एक बर्षमा १७ खर्ब ८१ अर्ब वैदेशिक व्यापार घाटा
गत आर्थिक वर्ष २०८२/८३ मा २४ खर्ब भन्दा बढीको वैदेशिक व्यापार भएको छ । चालू आवको साउनदेखि असार मसान्तसम्म २४ खर्ब ११ अर्ब ६६ करोड रुपैयाँ बराबरको वैदेशिक व्यापार भएको हो ।
यो व्यापार गत आवको सोही अवधिको तुलनामा १५.८८ प्रतिशत बढी हो । अघिल्लो आवको सोही अवधिमा २० खर्ब ८१ अर्ब १५ करोड रुपैयाँ बराबरको वैदेशिक व्यापार गरेको थियो ।
यस अवधिको वैदेशिक व्यापारमा नेपालले १७ खर्ब ८१ अर्ब ८ करोड रुपैयाँ बराबरको व्यापार घाटा व्यहोरेको छ । गत आवको सोही अवधिमा यस्तो घाटा १५ खर्ब २७ अर्ब ९ करोड रुपैयाँ बराबरको थियो ।
भन्सार विभागका अनुसार गत आवमा २० खर्ब ९६ अर्ब ३७ करोड रुपैयाँ बराबरको वस्तु आयात भएको छ । यो अघिल्लो आवको सोही अवधिको तुलनामा १६.२० प्रतिशत बढी हो । सो अवधिमा १८ खर्ब ४ अर्ब १२ करोड रुपैयाँ बराबरको वस्तु आयात भएको थियो । गत आवमा ३ खर्ब १५ अर्ब २९ करोड रुपैयाँ बराबरको वस्तु तथा सेवा नेपालबाट निर्यात भएको छ । यो अघिल्लो आवको सोही अवधिको तुलनामा १३.८१ प्रतिशत बढी हो । त्यसबेला दुई खर्ब ७७ अर्ब ३ करोड रुपैयाँको वस्तु तथा सेवा निर्यात गरिएको थियो ।
