रक्षक नै भक्षक भए पछी के लाग्छ,गृहराज्य मन्त्री फर्जी गाडीमा,प्रहरी प्रमुख चोरीको गाडीमा सरर
गृह मन्त्रालयको काम नक्कली गाडी नियन्त्रण गरी कानूनी कारबाही गर्नु हो ।
तर, उल्टै गृह राज्यमन्त्री श्यामकुमार श्रेष्ठले पदमा बहाल भएको दिनदेखि नै फर्जी नम्बर प्लेटको गाडी चढिरहेका छन् ।
उनले बा १ झ १००९ नम्बरको ल्यान्डकुक्रजर प्राडो गाडी चढ्दै आएका छन् । जुन नम्बरको गाडी भने हुलाक बिभागसंग छ । तर उनले जानीजानी प्रयोग गरिरहेको बुझिएको छ।
चिनियाँ दूतावासले प्रयोग गर्दै आएको एक गाडी चोरीको आशंकामा महानगरीय प्रहरी ट्राफिक महाशाखा रामशाहपथले पक्राउ गरेको थियो । पक्राउ गर्दा ट्राफिकले कुनै कागजात भेट्टाएन । ट्राफिकले आवश्यक कागजात ल्याएपछि मात्र गाडी छोड्न सकिने बतायो । तर पनि चिनियाँ दूतावासले अहिलेसम्म कुनै कागजात ल्याउन सकेको छैन । र त्यो बेलाका ट्राफिकका हाकिम प्रकाश अर्याल अहिले प्रहरी प्रमुख छन।अहिले पनि त्यो गाडी उनै अर्यालको कब्जामा छ ।
अर्यालले पक्राउ गरेको उक्त गाडी वा ८ च ५४७५ नम्बरप्लेट राखेर आफैंले चढिरहेका छन् । उनले सो गाडी कहिले नेताको चाकडी गर्न त कहिले अन्य काममा प्रयोग गरिरहेको महानगरीय प्रहरी ट्राफिक महाशाखाका एक प्रहरी अधिकारीले बताए ।
