रसुवाको तटीय क्षेत्रमा अकल्पनीय क्षति, दर्जनौं बजार र बस्ती बगायो
भोटेकोशीमा अचानक तिब्बतर्फबाट आएको भिषण बाढीले नेपालतर्फ रसुवा जिल्लाको तटीय क्षेत्रमा अकल्पनीय क्षति पुर्याएको छ । डिएसपी अशोक थापाले गत वर्षको भन्दा कम्तीमा १० गुणा ठूलो विनाशकारी बाढी आएको बताए ।
उनले जनधनको ठूलो क्षति भएको प्रारम्भिक अनुमान गरेका छन् । जिल्ला प्रहरीबाट कोहीसँग् पनि सम्पर्क गर्न नसकिएको र दर्जनौं बस्तीका साथै बजारहरु बगाएको उनले बताएका छन् । तटीय क्षेत्रमा रहेका सेना,सशस्त्र प्रहरी र नेपाल प्रहरी पनि सम्पर्कमा आएका छैनन् । आज बिहान ९ बजे रसुवा जिल्लाको टिमुरे बजारमा आकस्मिक बाढी आएको पाइएको छ । टिमुरे बजारका बस्तीमा ठूलो क्षति भएको छ ।
