प्रदेशमा होटल उद्योगको संभावनाबारे छलफल



काठमाडौँ । मुलुक संघीयतामा प्रवेश गरेपछि प्रदेशमा होटल क्षेत्रको व्यावसायिक विकास गर्ने उद्देश्यले होटल सङ्घ नेपाल हानले सम्बन्धित क्षेत्रका व्यवसायीसँग छलफल शुरु गरेको छ ।

प्रदेशअन्तर्गत रहेका होटल उद्योगको विकास र विस्तारका लागि सङ्घलाई पनि प्रादेशिक संरचनामा लैजान र उसको भूमिकालाई थप प्रभावकारी बनाउन छलफल थालिएको हो ।

प्रदेश नं ५ को नेपालगञ्ज ९बाँके०मा होटल क्षेत्रमा लगानीको सम्भावना र व्यावसायिक दायित्वबारे क्षेत्रीयस्तरमा अन्तरक्रिया गरिएको हानका महासचिव विनायक शाहले जानकारी दिनुभयो ।

प्रदेशमा आम्दानीको मुख्य स्रोत पर्यटन क्षेत्र भएको र होटल व्यवसायबाट चाँडो प्रतिफल आउने भएकाले ती क्षेत्रमा लगानीको अवस्था के छ र सरकारको भूमिका कस्तो हुने हो भन्नेबारे छलफल भएको उहाँले बताउनुभयो ।

सङ्घले विधान संशोधन गरेर प्रादेशिक संरचनाअनुरुप बनाउने आफ्नो योजना र लगानीको अवसरबारे सरकारलाई अवगत गराइसकेको हानले जनाएको छ ।

बाँके, बर्दियालगायत क्षेत्रका होटल तथा पर्यटन व्यवसायीको भेलाबाट होटल स्नेहाका सञ्चालक असितशम्शेर जबराको अध्यक्षतामा १३ सदस्यीय क्षेत्रीय होटल सङ्घ नेपालगञ्ज तदर्थ कार्यसमिति गठन गरिएको सङ्घले विज्ञप्तिमार्फत जनाएको छ ।

उक्त भेलामा महासचिव शाहले होटल उद्योगको सम्भावना र चुनौतीका विषयमा प्रकाश पार्नुभयो भने कोषाध्यक्ष सुनिल शाक्यले वित्तीय प्रतिवेदन प्रस्तुत गर्दै हालको विमानस्थल व्यवस्थापनको सुधारमा जोड दिनुभयो ।

सङ्घको केन्द्रीय कार्यसमितिको बैठक यही साउन २४ गते सङ्घका अध्यक्ष अमरमान शाक्यको अध्यक्षतामा नेपालगञ्जमा सम्पन्न भएको थियो ।

होटलहरुको छाता संगठन होटल सङ्घ नेपालले विगत पाँच दशकदेखि होटल तथा समग्र पर्यटन उद्योगको विकास र उत्थानका लागि सक्रिय भूमिका खेल्दै आएको छ ।

यसैबीच हानले सीमा पर्यटनको विकासबारे प्रधानमन्त्री शेरबहादुर देउवा भारत प्रस्थान गर्नुअघि उहाँलाई भेटेर जानकारी गराउने भएको छ ।

हानका अनुसार ट्रेकिङ एजेन्सिज एशोसिएसन अफ नेपाल ९टान०, नेपाल एशोसिएसन अफ टुर एण्ड ट्राभल एजेन्ट नाट्टा लगायत संस्थासँग भोलि शुक्रबार छलफल गरी नेपाल–भारत पर्यटन प्रवद्र्धनबारेको अवधारणा पत्रलाई प्रधानमन्त्रीलाई बुझाइने छ ।

सरकारी विवरणअनुसार अहिले मुलुकभर एकहजार दुई सय भन्दा बढी होटल रहेका छन् । अहिले होटलको शय्या संख्या ४० हजार रहेको छ ।

 

प्रतिक्रिया दिनुहोस
बहुचर्चित बहुलोकप्रिय माइडिया ब्रान्डको डिशवाशर नेपालमा

    वर्ल्ड नम्बरवान अप्लाईन्स प्रोडुसर माइडियाको आधिकारिक बिक्रेता सीजी इलेक्ट्रोनिक्सले आधुनिक  बिएलडिसी

कान्तिपुरमा कांग्रेस सांसदहरूको ओहोरदोहोर

    प्रमुख विपक्षी दल नेपाली कांग्रेसका सांसदहरूले कान्तिपुर मिडिया ग्रुपका अध्यक्ष कैलाश

नयाँ केन्ट सुप्रीम कपर आर.ओ. (तामाको साथ) नेपाली बजारमा साथै जान्ने पर्ने अनेकौ फाइदाहरु

    काठमाडौं, जेठ २०८१: ई.ओ.एल. प्रा. लि., चौधरी ग्रुपको इलेक्ट्रोनिक्स विभाग अन्तर्गतको

नाक, कान, घाँटिको नि:शुल्क स्वास्थ्य शिविरबाट २ सय जना लाभान्वित

पूर्कोट नेवा समाज काठमाडौकाे पहलमा काठमाडौं नाक,कान,घाँटि अस्पतालको सहयोगमा भानु नगरपालिका तनहुका वडा