२०४० देखि पेट्रोल र डिजेलबाट चल्ने गाडी बेच्न नपाइने
काठमाडौं । युरोपको शक्ति केन्द्रको रुपमा रहेको फ्रान्सले सन् २०४० सम्ममा डिजेल र पेट्रोलबाट चल्ने सबै प्रकारको सवारी बिक्रीमा रोक लगाउने भएको छ ।
फ्रान्सका वातावरण मन्त्री निकोलस हुलटले यो कदमलाई नयाँ विद्रोहको जनाउ दिँदै यो नयाँ कदम पेरिस सम्झौताअनुसार लिन लागिएको बताएका छन् । यसका साथै फ्रान्सले सन् २०५० सम्ममा कार्बन उत्पादन न्यून बनाउने उद्देश्यमा प्रतिबद्ध रहेको पनि फ्रेन्च वातावरण मन्त्री हुलटले बताएका छन् ।
नयाँ कदमको घोषणा गरिएको भएपनि अहिले चलिरहेका सवारीको अवस्था २०४० पछि के हुनेछ भन्नेबारे केही पनि बताइएको छैन ।
