युनिक हाइडेल कम्पनीको ५ लाख ५० हजार कित्ता सेयर आउँदै
काठमाण्डौं । युनिक हाइडेल कम्पनी लिमिटेडले आयोजना प्रभावित स्थानीयका लागि पाँच लाख ५० हजार कित्ता साधारण सेयर जारी गर्ने भएको छ ।
एक सय रुपैयाँ अंकित दरमा पाँच करोड ५० लाख रुपैयाँ बराबरको सेयर जारी गर्ने अनुमति माग गर्दै कम्पनीले नेपाल धितोपत्र बोर्डमा निवेदन दिएको छ । कम्पनीले जेठ ३१ गते बोर्डमा निवेदन दिएको जनाएको छ । सेयर निष्काशनका लागि कम्पनीले एनएमबि क्यापिटल लिमिटेडलाई नियुक्त गरेको छ ।
सिन्धुपाल्चोकको बलेफी खोला करिडोरमा रहेको युनिक हाइडेल प्रालिले ४.२ मेगावाटको बराम्ची खोला आयोजना निर्माण गर्दैछ ।
