भ्रष्ट कर्मचारीलाई अख्तियारको पासो

काठमाडौ । अख्तियार दुरुपयोग अनुसन्धान आयोगले घुस्याहालाई रंगेहातका साथै भ्रष्टाचारकै अभियोगमा मानिस पक्राउ गरेको लामै समय भैसकेको छ । तर पनि सोचेअनुसार भ्रष्टाचार नियन्त्रणमा आईरहेको छैन ।

भर्खरै अहिले पनि अख्तियारले ६१ करोडभन्दा बढी अनियमितता गरेको आरोपमा यातायात व्यवस्था कार्यालय सवारी कोसी इटहरीका नौ कर्मचारीविरुद्ध विशेष अदालतमा मुद्दा दर्ता गरेको छ ।

अख्तियारले कार्यालयका उपसचिवहरू रमेशप्रसाद दाहाल, विष्णुप्रसाद पौडेल, नयराज नेपाल, लेखा अधिकृत कुमारबहादुर कटुवाल, टीकाराम अधिकारी र लेखापालहरू सुरेश अधिकारी, रुद्रप्रसाद दाहाल र देवराज नेपालविरुद्ध आइतबार भ्रष्टाचार मुद्दा दायर गरेको हो ।

पछिल्ला तीन आर्थिक वर्षमा ६१ करोड २१ लाख अनियमितता गरेको अख्तियारले बताएको छ ।