पर्वतारोही सञ्जयको अमेरिकामा मृत्यु

काठमाडौं । अल्ट्रा धावक एवं पर्वतारोही सञ्जय पण्डितको अमेरिका स्थित अलास्का राज्यको डेनाली नेशनल पार्कस्थित डेनाली माउन्ट आरोहणका क्रममा निधन भएको छ ।

हाई अल्टिच्युडका कारण शुक्रबार निधन भएको अमेरिकास्थित नेपाली दूताबासले स्रोतले जनाएको छ । डेनालीको उचाई ६ हजार १९० मिटर रहेको छ । पण्डितको १६ तारिख विहान १७ हजार २०० फिट उचाईमा निधन भएको जनाइएको छ ।

मौसम खराब भएका कारण उनको शव ल्याउन कठिनाई भइरहेको बताइएको छ । उनको शब ल्याउन अझै केही दिन लाग्न सक्ने दुतावासले जनाएको छ ।