कार्पेट उद्योगमा भीषण आगलागी

भक्तपुर। भक्तपुरको सल्लाघारी नजिकै इट्टापाखे भन्ने स्थानमा रहेको यति कार्पेटको उद्योगमा आगलागी भएको छ ।
शनिबार राति करिब साढे ११ बजेदेखि सुरु भएको आगलागी अझै नियन्त्रणमा लिन सकिएको छैन ।

उपत्यकाका तीनवटा ८ दमकलसहित नेपाली सेना, नेपाल प्रहरी र सशस्त्र प्रहरी आगो निभाउन खटिरहेका छन् । पानी ओसार्न स्थानीय रुपमा सञ्चालित ट्यांकरसमेत प्रयोग गरिएको प्रहरीले जनाएको छ । आगलागीबाट के कति क्षति भएको भन्ने कुरा आउन बाँकी छ ।