बाहुन र नेवार केटा एकै मण्डपमा : दलित दिदीबहिनीसँग भयो बिबाह

 

अमेरिकामा बसेका मोहनलाई भने त्यस्तो अवरोध नआएको बताए । उनीहरूले मण्डपमा साथ जिउने मर्न कसम खादै सात फेरा लगाए । अनौठो संयोग भनौ, दश वर्ष अगाडि सुजीप र मोहन पत्रमित्रताबाट चिनजान भएका थिए । उनै सुजीप र मोहन अहिले साढु दाइ–साढुभाइ बनेका छन् ।

 

पण्डित ओमजीत गजमेरलाई सघाउँदै भेटिएका दलित सेवा सङ्घ वराहक्षेत्रका अध्यक्ष लंकमान विकले समाजमा कुरीति हटाउन यस्ता बिबाह उदारहणीय बनेको बताए । २१ औं शताब्दीमा यस्ता कुरीति चीर्नु आवश्यक रहेको बेहुलाद्वयले बताए ।

‘समाजमा मर्दा पर्दा साह्रगाह्रो पर्दा मान्छे नै चाहिन्छ जात त चााहिदैन् । अनि किन यस्तो विभेद ? हामी यस्ता कुरिती लाई चुनौती दिन नै विवाह गरेका हौं ।’ बेहुलाद्वयले भने ।

अन्तरजातीय त्यसमा पनि दलितसँग बाहुन र नेवार दुलाहा भन्दा अचम्म लाग्ला । तर, वराहक्षेत्रको चतरास्थित पुनर्वासमा आइतबार यस्तै उदाहरणीय बिबाह भएको छ ।

जातीय छुवाछुत र भेदभावले ग्रसित नेपाली समाजमा बाहुन र नेवार दुलाहाले दलित युवतीलाई एकै मण्डपमा विहे गर्र्दै उदाहरण पेश गरेका हुन् ।वराहक्षेत्रको चक्रघट्टीमा मोहन शर्मा र सुजिप श्रेष्ठले एकै घरको दिदीबहिनीसँग विहे गरेका हुन् ।

मोहनले माइली बहिनी रञ्जनासँग विहे गर्दा सुजीपले जेठी बहिनी सृजना बराइलीसँग लगनगाँठो कसे । सिर्जना र सुजीपबीच स्कुल पढ्दैदेखि मायाप्रेम झाँगिएपछि उनीहरूले यसअघि नै विहे गरेको बुबा बलबहादुर बराइलीले बताए ।

तर, औपचारिक रूपमा भने आइतबार मात्रै विहे भएको छ । यता रञ्जनाले फेसबुकमार्फत् मोहनसँग चिनजान भएपछि दुवैले विहे गर्ने निधो गरेको बुबा बलबहादुर बताउँछन् ।

अमेरिकाको पेन्सलियामा बस्दै आएका मोहनले एकै मण्डपमा विहे गर्नेबारे आफ्ना साढु दाइ सुजीपसँग सल्लाह गरे । सोहीअनुरूप उनी दुई दिनअघि मात्रै अमेरिकाबाट आइपुगेका हुन् ।

झापा बिर्तामोड निवासी मोहन जन्ती लिएर आइपुगे । यता सुजीप पनि जन्ती लिएर एकसाथ भेला भए । सुजीपका अनुसार आमाबुबा विहेको लागि पहिले नै राजी भ ए पनि समाजको डरले चुप भए पनि अहिले आएर विहे गर्दा फरक अनुभव भयो ।