दुई करोड भारतीय रुपैयाँ बुझेर सन्नी लियोनले नृत्य गरेको नेपाली फिल्म ‘पासवर्ड’ को यो गीत हेर्नुहोस भिडियो सहित
बलिउड अभिनेत्री सन्नी लियोनीले नाचेको नेपाली फिल्म पासवर्डको गीत रिलिज गरिएको छ ।
राजधानीमा कार्यक्रमको आयोजना गर्दै गीत सार्वजनिक गरिएको थियो । अर्जुन पोखरेलको संगीत रहेको गीतमा दुर्गा खरेलको स्वर र विक्रम जोशीको शब्द छ ।
यो गीत यूकेमा खिचिएको हो । फिल्मको अधिकांश दृश्य पनि यूकेमा नै खिचिएको छ ।
बिहीवार राजधानीमा एक कार्यक्रमका बीच सार्वजनिक गरिएको गीतमा सन्नीलाई दुई सयभन्दा बढी डान्सरले साथ दिएका छन् । गीतको कोरियोग्राफी विष्णु देभाले गरेका हुन्, जो बलिउडका प्रख्यात डान्स कोरियोग्राफर हुन् ।
उनले सलमान खान, शाहरुख खानलाई नचाइसकेका छन् । गीतको मिडियोमा मेकिङ गजबकै देखिन्छ ।
गीतमा सन्नीसँग फिल्मका लिड अभिनेता बिक्रम जोशी (विक्की) ले पनि नृत्य गरेका छन् । अभिनेता अनुप विक्रम शाही र कलाकार बुद्धि तामाङलाई पनि गीतमा देख्न सकिन्छ ।
‘पासवर्ड’ को कथा र स्कृनप्लेको माग अनुरुप नै सन्नीलाई गीतमा नृत्य गराइएको निर्देशक सम्राट बस्नेतले बताए । उनले यो फिल्मबाट निर्देशनमा डेब्यू गरेका हुन् ।
सन्नी लियोनीलाई २ करोड भन्दा बढी दिएर यो गीतमा नचाइएको चर्चा चलेको थियो । सन्नीसँग पर्दामा विक्रम जोशी पनि देखिएका छन् ।
सन्नी लियोनी नाच्दा यो गीतको क्रेज बढ्न सक्छ । तर, सन्नी लियोनी नाचेको गीत रोजाइमा भने समस्या देखिएको छ । सन्नीलाई महंगो रकम दिएर नचाउँदा निर्मातालाई फाइदा होला कि नहोला, केही दिनमै थाहा लाग्नेछ ।
