दुई वर्षदेखि बलिउडबाट टाढा रहकी विपाशा पति करण सिंह ग्रोवरसँग विवाहित जीवन बिताइरहेकी छन्। उनीहरूको विवाह सन् २०१७ मा भएको थियो। करणको यो तेस्रो विवाह हो। यसअघि उनले श्रद्धा निगम र जोनिफर विंगेटसँग विवाह गरेका थिए। विपाशा विवाहअघि बलिउडका ६ जना अभिनेतासँग डेट गइसकेकी थिइन्।

विपाशाको पहिलो प्रेमी सुपर मोडल मिलिन्द सोमन हुन्। विपाशा र मिलिन्दको भेट मोडलिङका क्रममा भएको थियो। यसपछि विपाशा डिनो मोरयासँग जोडिइन्। उनी जोन अब्राहमसँग १० वर्षसम्म रिलेसनमा रहिन्। विपाशाको सम्बन्ध फिल्म बाहुबलीका राणा दुगुबत्तीसँग पनि थियो। दुगुबत्तीपछि उनी सेफ अली खानसँग पनि जोडिइन्। फिल्म ‘रेस–२’को सुटिङका क्रममा उनीहरू जोडिएका हुन्। यसपछि विपाशाको नाम हरमन बवेजासँग जोडियो।