पथरीकी रीनाको हत्या उनकै प्रेमीबाट !
शनिबार बिहान आफ्नै पसल अघि मृत फेला परेकी पथरीकी रीना बस्नेतको हत्या उनकै ब्वाईफेण्डबाट भएको हुन सक्ने प्रहरीले शंका गरेको छ ।
मोरङको पथरीशनिश्चरे १ की रिना बस्नेतको हत्या वा आत्महत्या बिषयमा अहिलेसम्म कुनै टुंगो नलागेपनि उनका प्रेमी शंका गरिएका व्यक्तिलाई प्रहरीले निगरानीमा राखेको छ ।
सुन्दरहरैचाका एक युवा उनको प्रेमी रहेको प्रहरीले जनाएको छ ।
शुक्रबार राति पथरीमा आयोजित कन्सर्टमा पुगेकी रीनाले त्यहाँ मादक पदार्थ सेवन गरेकी र घर आएर पनि बियर खाएको बताइएको छ ।
मृतकका श्रीमान बैदेशिक रोजगारीमा रहेका छन् ।
अबैध सम्बन्धको कारण हत्या भएको हुन सक्ने प्रहरीले अनुमान गरेपनि अहिलेसम्म यसै भन्न सकिने अवस्था नरहेको जनाइएको छ ।
केही समयअघि पनि मोरंगमै रमिला राईको उनका प्रेमी योगेन्द्र गुरुङले हत्या गरी मारेर सप्तकोशीमा लास फालेका थिए । पछि प्रहरीले हत्यारा र लास दुवै बरामद गर्न सफल भएको थियो ।
