सिके राउतले गरे राष्ट्रिय स्तरका पार्टीहरुले गर्न नसकेको यस्तो घोषणा !
पछिल्लो समय सरकारसँग वार्ता गरेर नयाँ पार्टी निर्माण गरेर राजनीतिमा लागेका सिके राउत हरेक दिनजसो नयाँ घोषणा गर्नमा व्यस्त देखिएका छन् ।
यो बिचमा नव गठित डा.सिके राउत नेतृत्वको जनमत पार्टीले मधेशमै १० लाख रोजगारी सृजना गर्ने अवधारणालाई शिघ्र नै मूर्तरुप दिने बताएको छ ।
गएको चैत ३० गते सिरहाको मिर्चैयामा आयोजना गरिएको सभाबाट डा.राउतले १० लाख रोजगारी मधेशमै सृजना गर्ने अवधारणालाई आफू नबिर्सेको जनाउनु भएको हो ।
उहाँले आफुले विदेशमा दुःख पाईरहेका युवाहरुलाई सक्दो मधेशमै अर्थात आफ्नै ठाउँमा रोजगारीको लागि पहल थाल्दै रोजागरी सृजना गर्ने बताउनु भएको हो ।
राउतले पहिलो प्राथमिकतामा मधेशका युवाहरुको रोजगारी सृजना गर्ने अवधारणालाई मूर्तरुप दिने जनाइएको छ ।
त्यसको लागि कृषि क्रान्ती, अद्यौगिकीकरण, सूचना प्रविधिको क्रान्ती लगायत जे गर्नुपर्ने गर्न तयार रहेको उहाँले बताउनुभयो ।
जनमत पार्टीका केन्द्रीय सदस्य सुदीप कुशवाहाले खाडी मूलुकमा गएर दुःख पाईरहेका मधेशी मूलका युवाहरुलाई सकभर स्थानीय स्तरमै रोजगारी दिए वैदेशिक रोजगारीलाई न्यूनिकरण गर्ने तर्फ ध्यान केन्द्रीत गरिएको जानकारी दिनुभयो । उहाँले मूलधारको राजनीतिमा आउनुभन्दा पहिले मधेशमा १० लाख रोजगारी सृजना गर्ने उनको उदेश्य रहेको बताउनु भएको थियो ।
