आज मेघ गर्जन सहित वर्षा, मौसमविद्ले दिए यस्तो चेतावनी !

हाम्रो इकोनोमि

 

पश्चिमी वायुको प्रभावले आज पनि मौसममा बद्ली आउँने देखिएको छ । आज बिहानै देखि देशभर मौसममा बदली भएको छ । मौसम बदलिसँगै चिसो पनि अचानक बढेको छ । जल तथा मौसम पूर्वानुमान महाशाखाका अनुसार पूर्वी भागमा आज दिनभर वर्षा हुने सम्भावना देखिएको छ ।

 

आज देशको मध्य तथा पूर्वी क्षेत्रका अधिकांश स्थानहरुमा मेघ गर्जनसहित वर्षा गराउने बादल विकसित भई पुर्वतिर सरिरहेको जल तथा मौसम पूर्वानुमान महाशाखाले जानकारी दिएको छ । मौसमविद बरुण पौडेलका अनुसार काठमाडौंमा दिउँसो केहीबेर मौसम खुलेपनि बेलुकापख पुनः बदली हुने देखिएको छ ।

 

पश्चिमी भागमा मौसम खुलेपनि पूर्वीभागमा भने आज दिनभरी वर्षा हुनेछ । हिमाली भेगका थोरै स्थानहरुमा हल्कादेखि मध्यम हिमपातको सम्भावना पनि देखिएको छ । अबको तीन दिनको मौसम जानकारी तल दिइएको छ । सबैको जानकारीका लागि सेयर गर्नुहोला ।

 

चैत्र १७ गते (आइतवार)ः दिउँसोः पूर्वी र मध्य भू-भागहरुमा सामान्य बदली रहनेछ भने बाँकी भू–भागहरुको मौसम आंशिक बदलि रहनेछ । पूर्वी भू–भागहरुका धेरै तथा मध्य र पश्चिमी भू–भागहरुका केहि स्थानहरुमा मेघ गर्जन सहित क्षणिक वर्षाको संभावना देखिन्छ । हिमालि भेगका थोरै स्थानहरुमा हल्का हिमपातको सम्भावना छ।

 

रातीः पूर्वी भेगमा सामान्य बदली रहनेछ भने बाँकी भू-भागहरुको मौसम आंशिक बदलि रहनेछ । देशका पूर्वी भेगका केही स्थानहरु तथा मध्य र पश्चिमी भेगका थोरै स्थानहरुमा मेघ गर्जन सहित क्षणिक वर्षाको संभावना देखिन्छ।

 

चैत्र १८ गते (सोमबार)ःदिउँसोः देशको पहाडी भू-भागहरुमा आंशिक देखि सामान्य बदली रहनेछ भने बाँकी भू–भागहरुको मौसम आंशिक बदलि रहनेछ । देशको पहाडी भेगको केहि स्थानहरुमा र तराई भेगको १–२ स्थानहरुमा मेघ गर्जन सहित क्षणिक वर्षाको सम्भावना देखिन्छ । हिमालि भेगका थोरै स्थानमा हल्का देखि मध्यम हिमपातको सम्भावना छ ।

 

रातीः देशभर आंशिक देखी सामान्य बदली रहनेछ । पूर्वी र मध्य भू-भागहरुका थोरै र पश्चिमी भू–भागहरुका १–२ स्थानहरुमा मेघ गर्जन सहित क्षणिक वर्षाको सम्भावना देखिन्छ। हिमालि भेगका थोरै स्थानहरुमा हल्का देखि मध्यम हिमपातको सम्भावना छ।

 

चैत्र १९ गते (मंगलबार)ः दिउँसोः देशको पहाडी भू-भागहरुमा आंशिक बदली रहनेछ भने बाँकी भू–भागहरुको मौसम सामान्यतया सफा रहनेछ । देशको पहाडी भेगको थोरै स्थानहरुमा मेघ गर्जन सहित क्षणिक वर्षाको सम्भावना देखिन्छ ।

 

रातीः देशको पहाडी भू–भागहरुमा आंशिक बदली रहनेछ भने बाँकी भू–भागहरुको मौसम सामान्यतया सफा रहनेछ । देशको पहाडी भेगको १–२ स्थानमा मेघ गर्जन सहित क्षणिक वर्षाको सम्भावना देखिन्छ ।