एक्कासी यसकारण यति धेरै डरलाग्दो भयो मौसम : सचेत रहन भन्दै पूर्वानुमान विभागको यस्तो सूचना

हाम्रो इकोनोमि

 

 

आज बिहान देशका धेरै ठाउँमा मेघगर्जन र हावाहुरीसहित पानी परिरहेको छ । सोमबार भित्रिएको पश्चिमी वायुसँग स्थानीय वायु मिसिएकोले हिजो रातिदेखि नै धेरै ठाउँमा मेघगर्जन र हावाहुरीसहित पानी परिरहेको मौसम पूर्वानुमान महाशाखाले जानकारी दिएको छ ।

 

महाशाखाका मौसमविद् मिनकुमार अर्यालका अनुसार राति पश्चिममा मेघगर्जन र हावाहुरीसहित पानी पारेको प्रणाली अहिले मध्य क्षेत्रमा आइपुगेको छ । यसको असरले काठमाडौंसहित मध्य र पश्चिमका धेरै ठाउँमा पानी परिरहेको उहाँले बताउनुभयो ।

 

यो प्रणाली पूर्वतिर सरिरहेकाले मंगलबार देशका धेरै ठाउँमा मेघगर्जन र हावाहुरीसहित पानी पर्ने सम्भावना रहेको छ । कतै कतै मौसम एकैछिन खुले पनि फेरि बदली भई मेघगर्जन र हावाहुरी चल्ने देखिएको छ । तर ठूलो पानी पर्ने संभावना भने नरहेको उहाँले जानकारी दिनुभयो । प्रिमनसुनको समयमा पानी पर्दा चट्याङ पनि पर्ने भएकाले सावधानी अपनाउन मौसमविद मिनकुमार अर्यालको आग्रह छ ।