जन्मदिनको केक काट्दै गर्दा पत्नी राधिकाले ओलीलाई मुर्छा पर्ने गरी यसरी हसाइन्,प्रचण्ड तनाबमा ओली मन्त्रीका नाम मिलाउदै

सुरुमा गृहको दावेदारको रुपमा वर्षमान पुनलाई हेरिएको थियो। तर गृह मन्त्रालयसहित रामबहादुर थापा ‘बादल’ले माओवादीका तर्फबाट सरकारको नेतृत्व गर्ने अवस्था देखिएपछि नेताहरुबीच खटपट सुरु भएको हो।
‘उहाँले प्रष्ट रुपमा गृह र अर्थमध्ये एउटा मन्त्रालय लिन्छु भनेर यसअघि नै अध्यक्ष प्रचण्डलाई भनिसक्नु भएको हो’, पुन निकट एक नेताले भने।

एमालेको दाबी रहँदै आएको अर्थ उसैले पाउने भएपछि माओवादीले गृहसहितका ७ मन्त्रालयको दाबी गरेको छ। सो प्रस्तावमा एमाले सकारात्मक भइसकेकाले गृह माओवादीले पाउने निश्चित छ। र निश्चित जस्तै भइसकेको विषय यस पटक माओवादीका बरिष्ठ नेतामध्ये पर्ने रामबहादुर थापा ‘बादल’ले सरकारको नेतृत् गर्ने भन्ने पनि हो।

सुरुमा थापा गृहमन्त्रालय लिने ‘मुड’ मा थिएनन्। ०६५ सालमा रक्षामन्त्री बन्दा पाएको असफलताका कारण बादलले सुरक्षासम्बन्धी मन्त्रालयको जिम्मेवारी लिन अरुचि देखाएका थिए। तर केही दिनयता उनले पार्टी अध्यक्ष प्रचण्ड सामु गृहमन्त्रालयमा दावेदारी पेश गर्दै आएका हुन्।

थापाले गृहमा रुचि नदेखाउँदा वर्षमान पुनले गृहको दावी गरेका थिए। अहिले परिस्थिति फेरिएपछि पुनले असहज महसुस गरेको स्रोतले बतायो। नेता पुनले बुधबार पार्टी अध्यक्ष दाहाललाई भेटेर सरकारकै नेतृत्वसहति गृहको दावी गरेका थिए।
‘पहिला गृहमन्त्रालय लिने वादलजीको चाहना थिएन। त्यही भएर उहाँले सरकारको नेतृत्व गर्ने र वर्षमानजीले गृहमन्त्रालय लिनेमा पार्टीभित्र आम सहमतिजस्तै थियो’, नाम उल्लेख नगर्ने सर्तमा ती नेताले भने, ‘अहिले एकाएक उहाँले सरकारको नेतृत्व र गृह दुवै दाबी गरेपछि वर्षमानजीले प्रचण्डलाई भेटेर गृहसहित सरकारको नेतृत्व दाबी गर्नुभएको छ।’

तनाबमा दाहाल
आफू निकटका दुवै नेताले गृह दावी गरेपछि अध्यक्ष दाहाल कसरी व्यवस्थापन गर्ने भनेर अन्यौलमा परेका छन्। यो विषयका कारण उनी तनाबमा रहेको स्रोत बताउँछ। वर्षमान पुन अध्यक्ष दाहाललाई लामो समयदेखि साथ दिँदै आएका विश्वास पात्र हुन्। दाहालले पुनलाई आफ्नो आर्थिक च्यानल व्यवस्थापनको जिम्मेवारी दिएको बताइन्छ।

उता बादल अध्यक्ष दाहालकै समकक्षी नेता हुन्। लामो राजनीतिक जीवनमा यी दुई नेताबीच महत्वपूर्ण सहकार्य हुँदै आएको छ। कुशल संगठकको छवि बनाएका थापा ०६९ सालमा एकीकृत माओवादी विभाजन हुँदा मोहन वैद्यतर्फ लागेका थिए। तर अघिल्लो वर्ष ठूलो समुहका साथ उनले एमाओवादी केन्द्रसँग पार्टी एकीकरण गरे। मोहन वैद्यको नेतृत्वमा भएको फुटले कमजोर भएको माओवादी पंक्तिलाई त्यो एकीकरणले बलियो बनाएको थियो।

माओवादी केन्द्रका एक नेता गृहमन्त्रीमा उनकै सम्भावना बलियो हुँदै गएको बताउँछन्। ‘पचास प्रतिशतभन्दा माथि सम्भावना बादलकै देखियो। बादल स्वयंले दावी गरेपछि प्रचण्ड त्यसलाई इन्कार गर्नुहुन्छ जस्तो लाग्दैन’, उनले भने। अर्को बलियो पक्ष के पनि हो भने थापा दाहालकै गृहजिल्ला चितवन निवासी हुन्। आफ्नो निर्वाचन क्षेत्र चितवनलाई बनाएका दाहालका लागि थापालाई चिढ्याउनु फाइदाजनक नहुने ती नेताको बुझाइ छ।

अध्यक्षले थापालाई गृहमन्त्री बनाउने परिस्थिति बन्दै गएपछि पुन पक्षधरले भने विभाजनमा गएर फर्किएका नेताहरुलाई प्रचण्डले काखी च्यापेको आरोप लगाउन थालेका छन्। मोहन वैद्य नेतृत्वको माओवादीबाट फर्किएका वादल समुह र नयाँशक्तिबाट फर्किएका देवेन्द्र पौडेल समूहले बढी राजनीतिक लाभ लिएको उनीहरुको बुझाइ छ।