कांग्रेसका दुई महामन्त्री सहभागी बैठक वहिष्कार
लुम्बिनी प्रदेश सरकारमा नेपाली कांग्रेसबाट सहभागी रहेका मन्त्रीहरू तथा संसदीय दलका नेताले पार्टीका दुई महामन्त्रीसहितको उपस्थितिमा बोलाइएको बैठक वहिष्कार गरेका छन् । पार्टीभित्रको गुटका कारण उनीहरूले शीर्ष नेता आमन्त्रित बैठक वहिष्कार गरेका छन् ।
लुम्बिनी प्रदेश कमिटीले सरकारमा सहभागी मन्त्री तथा दलको नेतालाई बैठकमा आउन लिखितरूपमै आमन्त्रण गरेको थियो । दुई दिनअघि भैरहवामा शीर्ष नेताहरू आएको बेला प्रदेशमा रहेका पार्टीका सबै नेताहरूलाई राखेर प्रदेश कमिटीले बैठक राख्न खोजे पनि कांग्रेसभित्रको तीन गुट कारण नेताहरू र मन्त्रीले बैठक वहिष्कार गरेका हुन् ।
