८० प्रतिशत हकप्रद पछि सांग्रिला डेभलपमेन्ट बैंकको सेयर मूल्य समायोजन
सांग्रीला डेभलपमेन्ट बैंकको सेयरमूल्य बुधबार समायोजन भएको छ । बैंकले जारी गर्न लागेको ८० प्रतिशत हकप्रदलाई समायोजन गरि नेप्सेले नयाँ मूल्य निर्धारण गरेको हो ।
नेप्सेले हकप्रदपछि सांग्रीलाको समायोजित सेयरमूल्य प्रतिकित्ता २३० रुपैयाँ कायम गरेको हो । यसअनुसार बुधबार बैंकको पहिलो कारोाबार २३० रुपैयाँलाई आधार मानेर खुला भएको छ । बैंकको १८० दिनको सेयर कारोबारको आधारमा औसत आधारमूल्य प्रतिकित्ता २९८ रुपैयाँ रहेको छ ।
सांग्रिलाले चुक्ता पूँजीको ८० प्रतिशत हकप्रद जारी गर्न बुधबार बुकक्लोज गरेको हो । बैंकले नेपाल धितोपत्र बोर्डबाट कात्तिक २३ गते एक करोड आठ लाख ६७ हजार ७९८ कित्ता हकप्रद बिक्री गर्न अनुमति पाइसकेको छ । बैंकको सेयर निष्काशन तथा विक्री प्रबन्धक एनआईबिएल क्यापिटल रहेको छ । हकप्रदमा मंसिर २६ गतेसम्म कायम सेयरधनीले आवेदन दिन पाउनेछन् ।
