किसानलाई डिप बोरिङ वितरण
भद्रपुर नगरपालिकाले मेची पारिका किसानलाई डिप बोरिङ वितरण गरेको छ ।
भारतीय सीमावर्ती नाकासँग जोडिएको भद्रपुर–३ स्थित मेची नदी पारिको बस्तीमा करिब १५० घरपरिवार बसोवास गर्दै आएका छन् । सरकारको सीमा क्षेत्र विकास कार्यक्रमअन्तर्गत भद्रपुर नगरपालिकाले किसानलाई डिप बोरिङ उपलब्ध गराएको हो ।
नगरपालिका प्रमुख जीवनकुमार श्रेष्ठ, कार्यकारी अधिकृत काजीमान राईसहितको टोलीले गाउँमै पुगेर सातवटा डिप बोरिङ वितरण गर्नुभएको हो । नगरपालिकाले डिप बोरिङ उपलब्ध गराएपछि किसान हर्षित भएका छन् । बस्तीका अधिकांश बासिन्दाको जीवन निर्वाहको आधार खेती नै रहेको छ ।
