१४ खर्ब ५ अर्ब राजश्व उठने अनुमान, ६ खर्ब ५७ अर्ब बजेट घाटा
सरकारले आगामी आर्थिक वर्षका लागि ठूलो आकारको बजेट ल्याउँदा स्रोत अभाव भएको छ । अर्थमन्त्री डा. स्वर्णिम वाग्लेले २१ खर्ब रुपैयाँभन्दा बढीको बजेट घोषणा गरेका छन् । घोषित बजेटमध्ये राजश्वबाट १४ खर्ब ५ अर्ब ३१ करोड रुपैयाँ स्रोत जुट्ने उनको अनुमान छ । यस्तै, वैदेशिक अनुदान ६१ खर्ब ७४ करोड प्राप्त हुने अपेक्षा उनले राखेका छन् ।
त्यसपछि करिब ६ खर्ब ५७ खर्ब रुपैयाँ बजेटको स्रोत अपुग हुने छ । अपुग स्रोत वैदेशिक र आन्तरिक ऋणबाट पूर्ति गर्ने अर्थमन्त्री वाग्लेले बताए । यसका लागि सरकारले ठूलो परिमाण ऋण लिनुपर्ने भएको छ । अर्थमन्त्रीले वैदेशिक ऋण २ खर्ब ४७ अर्ब २८ करोड रुपैँया परिचालन गरिने जनाएका छन् ।
यस्तै ४ सय १० अर्ब आन्तरिक ऋण लिने उनको भनाइ छ । वाग्लेले भने आगामी वर्ष २ खर्ब ४५ अर्ब ८९ करोड आन्तरिक ऋणको साँवा भुक्तानी हुने भएकाले खुद १ खर्ब ६४ अर्ब ११ करोड मात्र आन्तरिक ऋण परिचालन गर्दा पुग्छ ।
