यी हुन् डरलाग्दा महिला तस्कर,जसले महिला र पुरुष गरी हजारौको यसरी गर्छन तेश्रो मुलुकमा तस्करी

युरोप, अमेरिका, क्यानडा, नसके खाडी मुलुकमा भए पनि पठाइदिन्छु भनेर मानव बेचबिखन गर्ने धन्दा मेनपावरका नाममा चलिरहेको छ ।
एन्टी करप्सन नेपालले दिएको जानकारीअनुसार भारतको नयाँ दिल्ली हुँदै विश्वका विभिन्न मुलुकमा मानव तस्करी गर्ने गिरोह काठमाडौं, पोखरा, नेपालगञ्जदेखि भारतको नयाँ दिल्लीसम्म सक्रिय रहेको भेटिएको छ ।

यी सबै काम मिलोमतोमा भइरहेका छन् । माइती नेपाल लगायतका संघ संस्था यस सम्बन्धमा चिन्तित रहेकाछन् ।
दीपक हमाल, बिनोद गुरुङ र धन बहादुर तामाङको समुहले नेपाली युवा युवतीलाई भारतको नयाँ दिल्ली, चीनको बेइजिङ, खाशा, सिङ्गापुर हुँदै क्यानडा, अमेरिका, हङकङ, मकाउ लगायतका मुलुकमा मानव तस्करी गर्दै आएको रहस्य खुलेको हो । विश्वका जुनसुकै मुलुकमा वर्किङ भिजा लगाइदिने भन्दै उनीहरुले १० लाख देखि २५ लाख अग्रीम डिपोजिट गराउने गरेका छन् ।

मानव तस्करको यो गिरोहले सम्बन्धित ब्यक्तिको पासपोर्ट पाएपछि रोजगारीमा जानको लागि आवश्यक पर्ने सम्पूर्ण कागजातहरु आँफैले तयार गरेर अध्यागमन पार गराउने गरेका छन् । प्रशासनिक उच्च तहका केही नेपाली र मल्टिपल भिजा लागेको ब्यक्तिको सहयोगमा यो गिरोहले विगत एक दशक देखि मानव तस्करी गरिरहेको श्रोतले उल्लेख गरेको छ ।

नयाँ टेक्नोलोजी र प्रविधिको प्रयोग गर्दै उनीहरुले फेसबुक, भाइबर, इमो र ह्वाट्सापबाट कुराकानी गर्ने, आवश्यक कागजातहरु तयार पार्ने र रोजगारीमा जाने युवायुवतीलाई ठग्ने गरेका छन् । दीपक हमालको एन.टि.सी.नम्बर ९८०६२४०७७५, ९८४७९०९५२८, धन बहादुर तामाङ ९८१८५३२६८२ र बिनोद गुरुङ ९८६१२१५३७२ रहेको छ ।

बिनोद गुरुङ शनिबार २४ असारमा नेपालगञ्ज हुँदै ६ जना नेपालीको पासपोर्ट लिएर क्यानडाको भिजा लगाउन भारतको नयाँ दिल्ली पुगेका थिए । गुरुङले आफ्नो नेपाल एस.बि.आई.बैंकमा रहेको खाता नं.२०११५२४१४०६३९९ मा रकम जम्मा गर्न लगाउने गरेका छन् ।

रोजगारीमा जानेहरुले उनको वैंक खातामा रकम जम्मा गरेपछि गुरुङले पासपोर्ट र सम्बन्धित रोजगारीमा जाने व्यक्तिहरुलाई विभिन्न नाका हुँदै भारतको नयाँ दिल्ली लैजाने गरेका छन् । गुरुङले दाङका उत्तम चौधरी पासपोर्ट नं.०७२९६११६ र ज्ञान बहादर डाँगी पासपोर्ट नं.१००११९८९ सहित करिब आधा दर्जन युवाको पासपोर्ट लिएका छन् ।
श्रोतले दिएको जानकारी अनुसार वैदेशिक रोजगार विभागको विमानस्थल डेस्कका कर्मचारी, अध्यागमनका कर्मचारी र प्रशासनको सेटिङमा दैनिक एकसयजना श्रमस्वीकृति नलिइकन भिजिट भिजा मार्फत वैदेशिक रोजगारीमा पठाउने गरिएको छ ।