स्वतन्त्र सांसद राजपा नेपालमा प्रवेश

महोत्तरी क्षेत्र नम्बर ४ बाट प्रत्यक्ष चुनाव जितेका स्वतन्त्र सांसद चन्देश्वर झा राष्ट्रिय जनता पार्टीमा प्रवेश गरेका छन् । उनले तत्कालिन सद्भावना पार्टीकी नेतृ सुरिता साहलाई तीन हजार ६२ मतले हराएका थिए ।
स्थानीय तह चुनावको चहल पहल बढी रहेको यस अवस्थामा झा शुक्रबार राजपा नेपालको बबरमहलस्थित पार्टी कार्यालयमा एक कार्यक्रमकाबीच पार्टी प्रवेश गरेका हुन् ।

उनी काँग्रेसमा जाने हल्ला थियो तर चुनावमा राजपा नेपालको माहोल राम्रोदेखिपछि उनी सो दलमा प्रवेश गरेका हुन् । झालाई राजपा अध्यक्ष मण्डलका संयोजक महन्थ ठाकुरले टीका लगाइदिएर स्वागत गरेका थिए ।झा प्रवेश गरेसँगै राजपा नेपालको व्यवस्थापिका संसद २५ जना सांसदको प्रतिनिधित्व हुने भएको छ ।