आज निर्धारित वान टु वान वार्ता हिजै हुनुको खुल्यो रहस्य,महरा संग मोदी यसरी तर्सिए
भारतीय प्रधानमन्त्री नरेन्द्र मोदी र भारत भ्रमणमै रहेका प्रधानमन्त्री शेरबहादुर देउवाबीच आज दिउँसो पौने १२ बजे वान टु वान वार्ताको समय निर्धारण गरिएको थियो । तर परराष्ट्रमन्त्री कृष्णबहादुर महराका कारण दुई प्रधानमन्त्रीबीच आज ‘वान टु वान’ वार्ता हुन सकेन ।
दुई प्रधानमन्त्रीको वान टु वान वार्तामा भारतीय पक्षबाट प्रधानमन्त्रीसहित परराष्ट्रमन्त्री पनि सहभागि हुने र नेपालबाट प्रधानमन्त्री मात्र सहभागि हुने परम्परा थियो । दुई प्रधानमन्त्रीको वार्तामा आफुपनि सहभागि हुने परराष्ट्रमन्त्री महराले इच्छा देखाएपछि दुई प्रधानमन्त्रीबीच वान टु वान वार्ता हुन नसकेको हो ।
महरा पनि वार्तामा बस्ने थाहा पाएपछि भारतीय प्रधानमन्त्री मोदीले निर्धारित समयभन्दा एक दिनअघि नै सरप्राइज वान टु वान वार्ता आफ्नो निवासमा गरेका थिए । सरप्राइज वार्तामा महरा उपस्थित भएनन् । महरालाई वार्तामा नराख्नका लागि मोदीले यस्तो चाल चलेको आँकलन नेपाली पक्षले गरेको छ ।
दिल्लीले परराष्ट्रमन्त्री महरालाई चिनियाँ जासुसका रुपमा हेर्ने गरेको तथ्य पनि बाहिर आएको छ । एमाले अध्यक्ष केपी शर्मा ओलीको सरकार ढाले लगतै तत्कालिन प्रधानमन्त्री पुष्पकमल दाहाल प्रचण्डले छिमेकीसँगको सम्बन्ध सुधार भन्दै विमलेन्द्र निधिलाई भारत र महरालाई दुतका रुपमा चीन पठाएका थिए ।भारतीय संस्थापन पक्षले महरालाई चीनियाँ जासुसका रुपमा हेर्ने गरेको छ भन्ने खबर एस काठमाडौँले प्रकाशन गरेको छ । उनी सहभागि हुने भएपछि भारतीय प्रधानमन्त्रीले औपचारिक बान टु वान वार्ता नै स्थगित गरे । महरालाई छलेर आफ्नै निवासमा वान टु वान वार्ता गरिसके ।
