एमाले र उपेन्द्र यादब मिल्ने भए पछी राजपाले गर्ने निर्णयले मधेशमा हङ्गामा



हाम्रो इकोनोमि

एमाले र फोरमको गठबन्धनलाई पराजित गर्न राष्ट्रीय जनता पार्टी नेपालले पनि कांग्रेस माओवादी गठबंधनलाई नै समर्थन गर्ने भएको छ । यो भए संगै दुई नम्बर प्रदेशमा हुने तेस्रो चरणको स्थानीय तहको निर्वाचन र मंसिरमा प्रस्तावित प्रदेश र केन्द्रीय संसदको निर्वाचनमा हुने सम्भावित चुनावी तालमेलको स्पष्ट संकेत देखा परेको छ ।दुई चरणको चुनावमा नराम्रो हार बेहोरेका संघीय समाजवादी फोरम नेपालले नेकपा एमालेसंग चुनावी तालमेलको कुरा अगाडि बढाएको छ भने एमालेलाई रोक्न कांग्रेस र माओवादी गठबंधनले हरेक तहको निर्वाचनमा तालमेल गरेरै अघि बढ़ने निष्कर्षमा पुगेको छ ।

दलहरु बीच यस प्रकारको गठबंधनको संकेत हाल भई रहेको नेपाल पत्रकार महासंघको महाधिवेशनमा पनि स्पष्ट रूपले देखा परेको छ ।
एमाले निकट प्रेस चौतारीको उम्मेद्वारहरु लाई संघीय समाजवादी फोरम निकट संघीय प्रेस फोरमले लिखित रूपमै समर्थन गरेको छ ।
यसको पहल एमालेको तर्फ बाट महासचिव इश्वर पोखरेल र सचिव योगेश भट्टराईले गरेका थिए भने फोरम नेपालको तर्फबाट सह अध्यक्ष राजेन्द्र श्रेष्ठले गरेका थिए ।

बागबाजार स्थित हार्दिक होटलमा गत बुधवार बसेको एमाले र फोरम नेपालबीचको संयुक्त बैठकले फोरम नेपालको संस्था संघीय प्रेस फोरमले सघाउने निर्णय गरेको थियो । चौतारीले एक समावेशी सचिव र दुई केन्द्रीय सदस्य फोरमलाई दिए पछि यो गठबन्धन बनेको हो । साथै यसमा बिजय कुमार गच्छेदार निकट मानिने मधेशी पत्रकार समाजले पनि समर्थन गरेको छ ।

उता कांग्रेस निकट प्रेस यूनियन र माओवादी निकट प्रेस सेन्टरले गठबन्धन बनाएर महाधिवेशनमा भिड्दै छन । यो गठबन्धनलाई राजपा निकट प्रेस मंचले समर्थन गरेको छ । प्रेस मंचले यस पटक सर्लाही, सिरहा र रौतहटमा आफ्नो उपस्थिति दर्ज गरेको छ । संघीय प्रेस फोरमले एमाले समर्थित संगठनलाई साथ दिए पछि राजपाले कांग्रेस माओवादी गठबंधनलाई सघाउने निर्णय गरेको छ । साना देखि ठुला सबै चुनाबमा रणनिती बनाएर गठबंधन बनाउने उनीहरुको तर्क छ।

प्रतिक्रिया दिनुहोस
आर्थिक हिसाबले देश लगातार अधोगतितर्फ गइरहेको छ : ओली

    नेकपा एमालेका अध्यक्ष केपी ओलीले गत वर्षको तोडफोडलाई मान्यता दिनका लागि...

काठमाडौँ-तराई-मधेश द्रुतमार्ग महादेवटार सुरुङको राष्ट्रपति पौडेलबाट ब्रेक थ्रु

    राष्ट्रपति रामचन्द्र पौडेलले निर्माणाधीन राष्ट्रिय गौरवको काठमाडौँ–तराई/मधेश द्रुतमार्ग सडक आयोजना अन्तर्गत...

वरिष्ठ नेताको हैसियतामा पूर्णबहादुर र शेखरलाई सानेपामा छुट्टै कार्यकक्ष

    नेपाली कांग्रेसले १५औं महाधिवेशनमा सहभागी नभएका नेताद्वय पूर्णबहादुर खड्का र डा....

स्थानीय निर्वाचनलाई प्रभावकारी बनाउने लक्ष्यसहित राष्ट्रिय भेलाको तयारीमा एमाले

    नेकपा (एमाले) ले आगामी मंसिर २ र ३ गते काठमाडौंमा आयोजना...