कमल थापालाई अपहरणको मुद्धा,सर्बोच्चमा पुगेर राणाले थापा बिरुद्द के-के गरे

कमल थापालाइ देखाई दिन राष्ट्रिय प्रजातन्त्र पार्टी प्रजातान्त्रिक गठन गरेका पशुपति शम्शेर राणाले कमल थापाविरुद्ध सर्वोच्चमा आज मुद्दा दायर गरेका छन् । राणाले आफ्नो पार्टीका केन्द्रीय सदस्यहरुलाई कमल थापाले अपहरण गरेर बन्धक बनाएको भन्दै सर्वोच्च अदालतमा केहि बेर अगाडी मुद्दा दर्ता गरेका हुन् ।

मुद्दा दर्ता गर्न राणा नेताहरु दीपक बोहोरा, विक्रम पाण्डे, धु्वबहादुर प्रधान लगायतलाइ लिएर सर्बोच्च पुगेका थिए । रिटमा राप्रपा प्रजातान्त्रिकले निर्वाचन आयोगबाट मान्यता पाउन लागेको अवस्थामा राप्रपाका कमल थापाले आफ्ना नेता कार्यकर्तालाई अपहरण गरेको, धाकधम्की देखाएको तथा बन्धक बनाएकाले शान्ति सुरक्षाको माग समेत गरिएको छ । त्यस्तै रिटमा थापाले अपहरण गरेर हेटौडामा राखेका आफ्ना पार्टीका केन्द्रीय सदस्यहरुको रिहाइको माग समेत गरिएको छ ।

‘कुनैपनि व्यक्तिको राजनीति गर्ने अधिकारको हनन भएको छ’ राणाले दायर गरेको रिटको भनिएको आइतबार पेशी तोकिएको छ । त्यस्तै राप्रापा प्रजातान्त्रिकले यसअघि दल दर्ताका क्रमममा निर्वाचन आयोगमा दस्तखत गरिसकेका केन्द्रीय सदस्यहरुले पुनः दस्तखत गर्नुपर्ने भन्ने आयोगको निर्णय खारेज गर्न माग गरिएको नेता दिपक बोहोराले टेलिफोनमा बताए ।