सन्काहा सेनाको रौद्ररुप,प्रेमिकालाइ आँखा लगाएको भन्दै साथीलाई हाने सूट

पोखरामा एक सन्काहा सैनिकले गोली हानेर संगै काम गर्ने सैनिकको हत्या गरेका छन् । आज बिहान साढे ४ बजे पोखराको रत्नमन्दिर ब्यारेकमा कार्यरत बसन्त लोहारले सहकर्मी गणेश बिष्टलाई गोली हानी हत्या गरेका हुन् ।

दार्चुला घर भएका लोहारले बैतडीका बिष्टलाई एम १६ राइफलबाट सात राउण्ड गोली हानेको प्रहरीले जनाएको छ । प्रहरीका अनुसार सात राउण्ड मध्ये बिष्टलाई चारवटा मात्र गोली लागेको थियो ।
कोखामा गोली लागेर गम्भीर घाइते भएका बिष्टको उपचारका लागि अस्पताल लैजाँदै गर्दा ज्यान गएको हो । रिसइबीका कारण लोहारले सहकर्मीलाई गोली चलाएको हुन सक्ने अनुमान गरिएको छ । बुझिए अनुसार उनी हरुको एकै युवती संग लसपस थियो।