चुनाबभर कांग्रेसले बिर्सिने भो गुट,मधेश जित्न देउवा र पौडेल भए एकजुट

संसद्को सबै भन्दा ठुलो र नेपालकै पुरानो प्रजातान्त्रिक दल नेपाली कांग्रेस चुनावी कार्यक्रम लिएर मधेश झरेको छ । गुटको राजनितीले सिथिल बनेको कांग्रेस ले २ नम्बर प्रदेश कब्जा गर्न एक जुट भएको संदेश समेत जनकपुर बाट दिने भएको छ। असोज २ गते २ नम्बर प्रदेशमा हुने तेस्रो चरणको स्थानीय तह निर्वाचनमा पहिलो पार्टी बन्ने लक्ष्यसहित मधेश झरेको कांग्रेसले प्रदेश सभा र प्रतिनिधि सभा सदस्य निर्वाचनलाई पनि मध्यनजर गर्दै कार्यक्रम गर्न लागेको हो । त्यसका लागी पार्टी सभापति रहेका प्रधानमन्त्री शेर बहादुर देउवा र अर्का नेता रामचन्द्र पौडेल एकजुट भएका छन।

आज कांग्रेसले जनकपुरमा प्रदेश भेला गर्दैछ । उक्त भेलालाई प्रधानमन्त्री समेत रहेका कांग्रेस सभापति देउवा, वरिष्ठ नेता पौडेललगायतका शीर्षस्थ नेताहरुले सम्बोधन गर्नेछन् ।पहिलो र दोस्रो चरणको स्थानीय तह निर्वाचनमा एमाले भन्दा ५० सिटले पछि परेर दोस्रो दलमा रहेको कांग्रेस अब दुई नम्बर प्रदेशबाट एक सय सिट जितेर पहिलो पार्टी बन्ने रणनीतिमा रहेको छ । २ नम्बर प्रदेशको आठ जिल्लामा एक सय २७ स्थानीय तह रहेका छन् । कांग्रेसले एक सय सिट जित्ने दाबी गर्दै आएको छ । आउँदो माघ ७ गतेभित्र स्थानीय तहसहित प्रदेश सभा र प्रतिनिधि सभा सदस्य निर्वाचन सम्पन्न गरिसक्नु पर्ने बाध्यकारी संवैधानिक व्यवस्था रहेको छ । त्यसका लागी समेत कांग्रेस नेताहरु काधमा काँध मिलाएर अगी बढ्ने भएका छन।