प्रत्येक नेपालीको टाउकोमा २४ हजार ऋण पुगेको छ। तर सरकारले राष्ट्रपति र उपराष्ट्रपतिको पारिश्रमिक तथा सेवासुविधा बढाउन बनेको विधेयक संसदमा प्रस्तुत गरेको छ । विधेयक पारित भएसंगै राष्ट्रपतिको मासिक पारिश्रमिक एक लाख ५० हजार चार सय ५० र उपराष्ट्रपतिको एक लाख आठ हजार ३० रुपैयाँ पुग्नेछ ।
यसअघिको प्रचण्ड नेतृत्वको सरकारले गत जेठ १६ मा राष्ट्रपति र उपराष्ट्रपतिको पारिश्रमिक तथा सुविधा सम्बन्धमा व्यवस्था गर्न बनेको विधेयक संसदमा दर्ता गराएको थियो । सो विधेयकलाई आजको संसद् बैठकमा प्रधानमन्त्री शेरबहादुर देउवाले प्रस्तुत गर्ने कार्यसूची भए पनि उनी उपस्थित भएनन् । प्रधानमन्त्री पार्टी बैठकमा नेताको खप्की खादै छन् ।
राष्ट्रपति र उपराष्ट्रपतिले पाउने दैनिक भत्ता र बिमामा समेत व्यापक वृद्धि गरिएको छ । स्वदेशमा भ्रमण गर्दा ३३ सय र विदेश भ्रमण गर्दा २५० अमेरिकी डलर पाउने व्यवस्था विधेयकमा उल्लेख छ । त्यो प्रतिदिनको हो। रुस, कतार, जाम्बिया, युएई, सिंगापुर, लेबनान अस्ट्रेलिया, न्युजिल्यान्ड, अमेरिका, क्यानडा, कुवेत, कोरिया, जापान र बहराइनको भ्रमणमा ३३ प्रतिशत थप रकम दिने व्यवस्था समेत विधेयकमा उल्लेख गरिएको छ । हंगकंग जादा पनि बिशेष भत्ताको व्यवस्था गरिएको छ।
