फेसबुकबाट सुजातालाई ११ करोडको देखाइयो आश, एक करोड ठगिए पछि भयो चपरीमुनीको बास

बजारमा ठगीका विभिन्न ‘स्किम’हरु चलायमान छन । रातारात करोड पति बन्ने सपना पाल्ने हरुको चपरीमुनिको बास हुन् थालेको छ। महानगरिय प्रहरी अपराध महासाखाले फेसबुकबाट ठगि गर्ने एउटा ठूलो सञ्जाललाई पक्राउ गरेको छ ।

एक वर्षअघि दाङ लमही वडा नम्बर ५ बस्ने सुजाता केसी पौडेलसँग बेलायती नागरिक हुँ भन्दै एक युवा नजिकिए । सामाजिक सञ्जाल फेसबुकमा उनको नाम थियो ‘EUANS SMITH’ । फेसबुक म्यासेन्जर र ह्वाट्स एपमा उनीहरुबीच कुराकानी हुने क्रम बढ्यो ।
केही दिनपछि सुजातालाई भारतीय मोबाइल नम्बरबाट फोन आयो । फोन गर्ने उनै बेलायती नागरिक भनिने जगदीश आचार्यको थियो । उनै आचार्यले टेलिफोनमा भने,‘तिम्रो नाममा बैंक अफ अमेरिकाको दिल्ली शाखाबाट १.७ मिलियन पठाएको छु । भारतीय नियम अनुसार कर तिर्नु पर्ने भयो, ।’

टेलिफोनमा उनले यति भनेपछि पैसाको लोभमा परेकी सुजाताले पुरन घर्तिमगर, रामकुमार शेर्पा, सञ्जिव महर्जन र टेलिफोन गर्ने जगदिश शर्माको नाममा भारतमा बुझाउपर्ने कर भन्दै ५५ लाख ८५ हजार रुपैयाँ आइएमइ गरिदिइन् । सुजाताले नेपालबाट पठाएको आधा करोड हात परेपछि यो समुह फरार भयो । ठगि गर्ने यो गिरोह सम्पर्कमा नआएपछि सुजाता छाँगाबाट खसेजस्तो भइन् ।

नेपाली १० करोड ७० लाखको लोभमा आधा करोड भन्दा धेरै रकम ठगिएपछि महानगरीय प्रहरी अपराध महासाखामा उजुरी दिइन् । उनको उजुरीको आधारमा प्रहरीले उनीहरुलाई विहीबार पक्राउ गरेको छ ।

महासाखाको टोलीले पुरन घर्तिमगर, रवि थोकर र दिनेश बस्नेतलाई पक्राउ गरेको छ । उनीहरुलाई विभिन्न बैंकका एटिएम कार्ड सहित पक्राउ गरेको हो ।