पूर्व मुख्यसचिव अर्यालविरुद्ध पक्राउ पुर्जी जारी
मलेसियामा श्रमका लागि जाने नेपालीमाथि ठगी प्रकरणमा पूर्व मुख्यसचिव एकनारायण अर्यालयविरुद्ध पनि पक्राउ पुर्जी जारी भएको छ । प्रहरीको केन्द्रीय अनुसन्धान ब्युरोले अर्यालविरुद्ध पक्राउ अनुमति लिइसकिएको हो । सीआईबी प्रवक्ता एसएसपी अनुपमशमशेर जबराले उनको खोजी भइरहेको बताए ।
वैदेशिक रोजगारीका लागि मलेसिया जाने श्रमिकमाथि ठगी र त्यसबाट संकलित रकम गैरकानुनी रूपमा मलेसिया पठाउने निर्णयमा संलग्न रहेको आरोपमा प्रहरीले बुधबार दुई पूर्वमन्त्रीसहित ६ जनालाई पक्राउ गरेको थियो । उक्त कार्यकालमा अर्याल श्रम सचिव थिए ।

