पराजित र असन्तुष्टलाई पनि समेट्छौँ : गगन थापा



हाम्रो इकोनोमि

 

 

नेपाली कांग्रेसका सभापतिका उम्मेदवार गगन थापाले महाधिवेशनको प्रक्रियामा सहभागी नभएका र सहभागी भएर पनि निर्वाचनमा पराजित भएकाहरूलाई समेटेर अघि बढ्ने बताएका छन् । महाधिवेशन मतदानस्थलमा पत्रकारहरूलाई प्रतिक्रिया दिँदै थापाले कांग्रेसभित्र देखिएको राजनीतिक असन्तुष्टिलाई सम्बोधन गर्ने र पार्टीका सबै नेताकार्यकर्तालाई समेटेर अघि बढ्ने बताएका हुन् ।

यो महाधिवेशन प्रक्रियामा सहभागी नभएको नेपाली कांग्रेसको देउवा समूहलाई इंगित गर्दै उनले भने, पार्टीका केही साथीहरु हाम्रो प्रोसेसमा सहभागी नभएर अहिले बाहिर हुनुहुन्छ, नेताहरु हुनुहुन्छ । हामी उहाँहरुलाई समेट्ने कोसिस गर्छौं । कोही पार्टी नै नयाँ खोलेर जान्छु भनेर भन्नुभयो भने त उहाँहरुको च्वाइस हो । तर कांग्रेसभित्रको असन्तुष्टि हो भने त्यसलाई सम्बोधन गर्ने कोसिस गर्छौं ।

उनले जारी महाधिवेशनमा चुनावी प्रतिस्पर्धामा उत्रिएका र पराजित हुनेहरुलाई पनि समेटेर अघि बढ्ने पनि बताए । कांग्रेसका प्रत्येक व्यक्ति ‘इम्पोर्टेन्ट’ (महत्वपूर्ण) भएको बताउँदै थापाले भने, कतिपय साथीलाई केन्द्रीय समितिमा फेरि जोडेर ल्याउने होला, कति साथीलाई अरु जिम्मेवारी दिने होला । तर सबैलाई समेटेर लिएर जाने हो ।

आफू पनि विगतमा पार्टीको निर्वाचनमा पराजित भएर पुन: निर्वाचित भएको अनुभव थापाले सुनाए । उनले थपे म यही ठाउँमा आएर एकदमै कम मत ल्याएर प्रतिस्पर्धामा हारेको हुँ । फेरि पनि पार्टीमै बसेँ, काम गरेँ, दु:ख गरेँ, अर्को पटक एकदमै धेरै मत ल्याएर निर्वाचित भएँ ।

उनले चुनावी हार र जितलाई सामान्य रूपमा लिनुपर्ने बताए । त्यसैले हार वा जितलाई सामान्य रुपमा ‘निर्वाचनमा विजय–पराजयले राजनीतिक निर्णयहरू नै बदल्छ भन्ने कुरा मलाई पटक्कै लाग्दैन । त्यो त अराजनीतिक चरित्र भइहाल्यो थापाले भने ।

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...