आन्दोलनका लागि तयार रहन प्रचण्डकाे निर्देशन
नेपाली कम्युनिस्ट पार्टीका संयोजक पुष्पकमल दाहाल प्रचण्डले मंसिरमा महाधिवेशन हुने सम्भावना नरहेको बताएका छन् । काठमाडौंमा आयोजित एक कार्यक्रममा बोल्दै प्राविधिक र तयारीको लागि तीव्र गतिमा काम नहुँदा महाधिवेशन तोकिएको समयमा गर्न असम्भव भएको बताए ।
उनले भने, सदस्यता वितरणलगायतका काम महाधिवेशनकै तयारीको लागि हो । ती सुरु भइसकेको छौँ। यही हप्ता नै बैठक राखेर वडा भेला पालिका सम्मेलनलगायतको निर्णय गर्दैर्छौँ ।
सदस्यता नवीकरणलाई केन्द्रित गरेर दुई महिने अभियान सुरु गर्न लागेको बताए । उनले वामपन्थी शक्तिहरूसँग सहकार्य गरेर जानेबारे छलफल भइरहेको बताए । उनले दशैँतिहारपछि सरकारको जनविरोध कामविरुद्ध विपक्षी दल एकजुट भएर सडक आन्दोलनमा पनि जानुपर्ने हुनसक्ने बताए ।
