ओलीको राजीनामा माग्न नपाउने महेश बस्नेतको दाबी
नेकपा एमाले कार्यदलको बैठकले साझा प्रतिवेदन तयार पारेर सचिवालय र केन्द्रीय कमिटीमा लैजाने निर्णय भएको छ । बैठकपछि सञ्चारकर्मीमाझ सचिव महेश बस्नेतले ओलीको राजीनामा नमाग्ने र आलोचना नगर्ने सहमति जुटेको सचिव महेश बस्नेतले दाबी गरे ।
कार्यदलका संयोजक रामबहादुर थापा ‘बादल’ को मस्यौदा र सदस्य सचिव शंकर पोखरेलको मस्यौदा बैठकमा राखिएको र दुवैको प्रतिवेदनलाई साझा प्रतिवेदन बनाएर अस्ति जिम्मा दिएकै ३ जना नेताले तयार पार्ने बस्नेतले बताए । उनले भने, ‘अध्यक्षको आलोचना नगर्ने, राजीनामा नमाग्ने पदबाट नहटाउने कहिँ पनि बोल्दा पनि नबोल्ने, विशेष महाधिवेशन नगर्ने ७० वर्षे, २ कार्यकाल र नेतृत्व परिवर्तनको कुरा भोलि नियमित महाधिवेशनरविधान अधिवेशनबाट हुन्छ भने त्यो त्यतिबेलाकै कुरा हो ।
१३ वटा समूहबाट आएका सुझावलाई अनुसूचीमा राख्ने सहमति बनेको उनको भनाइ छ । पार्टीलाई जुझारु ढंगले अघि बढाउने, सरकारको अधिनायकवादी शैलीविरुद्ध सशक्त ढंगले आन्दोलन गर्न प्रतिनिधि परिषद्बको बैठक डाक्ने निर्णय भएको बस्नेतले बताए । नियमित विधान महाधिवेशनमा छलफलमा जाने र उपयुक्त निर्णय लिन सक्ने मनशाय सबैको रहेको उनको भनाइ छ ।
