लहडका भरमा संविधान संशोधन हुन सक्दैन : प्रदीप ज्ञवाली
नेकपा एमालेका नेता प्रदीप ज्ञवालीले लहडका भरमा संविधान संशोधन नहुने बताएका छन् । संख्याको दम्भमा संविधानमा छेडखानी गर्न नसकिने उनको भनाइ छ । हिजो सर्वोच्च अदालतले संविधान संशोधनका लागि राष्ट्रिय सभामा पनि दुई तिहाइको हुनैपर्ने र प्रतिनिधि सभा नियमावलीका दुई व्यवस्था कार्यान्वयन नगर्न आदेश दिएको थियो ।
आदेशपछि ज्ञवालीले भनेका छन्, भनेकै थियौँ– संसद् नियमावली मार्फत संविधान संशोधन गर्न मिल्दैन । तर संख्याको दम्भमा संविधानमा छेडखानी गर्न खोज्नु भयो । संविधान गतिशील दस्ताबेज हो, यो असंशोधनीय छैन । लामो सङ्घर्ष र बलिदान तथा दु–दुइटा संविधानसभाबाट निकै कठिनाइसाथ निर्मित संविधान लहडका भरमा संशोधन हुन नसक्ने उनको भनाइ छ ।
