असोज महिनाका लागि बैंकहरुको नयाँ ब्याजदर सार्वजनिक

हाम्रो इकोनोमि

 

 

 वाणिज्य बैंकहरुले नयाँ महिनाका लागि मुद्दती र बचत खाताको नयाँ ब्याजदर सार्वजनिक गरेका छन् ।बजारमा पर्याप्त तरलता र वित्तीय प्रणालीमा कर्जाको माग सुस्त रहेका कारण अधिकांश बैंकहरुले निक्षेपको ब्याजदर घटाउने वा स्थिर राख्ने नीति अपनाएका छन् ।

नबिल र प्रभु बैंकले व्यक्तिगत मुद्दतीमा सबैभन्दा बढी ४.५५ प्रतिशत ब्याजदर दिइरहेका छन् । भने, एनएमबी, सानिमा र नेपाल इन्भेस्टमेन्ट मेगा बैंकले ४.५० प्रतिशतसम्म ब्याजदर तोकेका छन् ।

प्रभु बैंक र नेपाल बैंकले ३.०० प्रतिशत ब्याज दिँदा नबिल, सानिमा र राष्ट्रिय वाणिज्य बैंकले २.८० प्रतिशत तथा एनएमबी, ग्लोबल आईएमई र स्ट्यान्डर्ड चार्टर्ड बैंकले २.७५ प्रतिशत ब्याज तोकेका छन् ।