राप्रपाले बागमतीमा कुनै दललाई समर्थन गरेको छैन : लिङ्देन
बागमतीमा पार्टी निर्णयविपरीत सरकार निर्माणमा समर्थन गरेको भन्दै राप्रपाले प्रदेश संसदीय दलका नेता उद्धव थापामाथि कारबाही प्रक्रिया थालेको छ । राप्रपा अध्यक्ष राजेन्द्र लिङ्देनले प्रदेशसभा निर्माण प्रक्रियामा पार्टीको कुनै दललाई समर्थन नगरेको प्रष्ट्यााएका छन् ।
किरण थापालाई मुख्यमन्त्री बनाउन समर्थनसहित बुझाइएको पत्र पार्टी निर्णय विपरीत भन्दै प्रदेश प्रमुख समक्ष जानकारी गराइसकेको उनको भनाइ छ । लिङ्देनले लेखेका छन्, पार्टीको निर्णय विपरीत क्रियाकलापमा संलग्नहरुलाई अनुशासनको कारबाही प्रक्रिया प्रारम्भ भइसकेको छ ।
आज नेकपा एमालेका किरण थापा मगरले नेकपा र राप्रपासमेतको समर्थनमा मुख्यमन्त्रीमा दाबी पेश गरेका छन् ।
