नयाँ टाटा पञ्च ईभी नेपालभर सार्वजनिक
नेपालमा लामो समयदेखि बहुप्रतीक्षित मानिएको टाटाको नयाँ ‘पञ्च.ईभी’ काठमाडौँमा जारी ‘नाइमा नेपाल मोबिलिटी एक्स्पो २०२६’ मा लन्च भएसँगै देशैभरका आधिकारिक सोरुमबाट एकैपटक सार्वजनिक गरिएको छ । टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले विद्युतीय कम्प्याक्ट एसयूभीलाई नेपालभरका सोरुमबाट एकसाथ सार्वजनिक गरेको हो ।
उनले बुकिङ भएका ३२.९९ लाखका सुरुआती मोडलसहितका सबै गाडी केही दिनभित्रै ग्राहकलाई डेलिभरी दिइने प्रतिबद्धता व्यक्त गरे । नयाँ पञ्च ईभीको सुरुआती मूल्य ३३ लाख ९९ हजार रुपैयाँ निर्धारण गरिएको छ । तर, नाइमा नेपाल मोबिलिटी एक्स्पो अवधिभर बुकिङ गर्ने ग्राहकले विशेष अफरअन्तर्गत ३२ लाख ९९ हजार रुपैयाँमै खरिद गर्न सक्नेछन् । एक्स्पो अवधिभर बुकिङ गर्ने ग्राहकका लागि कम्पनीले ११ वर्ष वा २ लाख २० हजार किलोमिटरसम्मको विस्तारित वारेन्टी सुविधा उपलब्ध रहेको कम्पनीले बताएको छ ।
नयाँ पञ्च ईभी पूर्वका बिर्तामोडस्थित अलास्का अटोमोबाइल्स, विराटनगर र इटहरीका गोयल अटो प्रालि, मधेसका गिरिजा अटोमोबाइल्स र राज अटो प्रालि, पोखराको दीप मोटर्स, नारायणगढको सफल मोटर्स, भैरहवाको अम्बु मार्केटिङ, बुटवलको सफल अटो इन्टरनेसनल, नेपालगञ्जको रुद्रप्रिया इन्टरनेसनल तथा धनगढीको गार्स ट्रेडिङ कन्सर्नबाट एकैसाथ सार्वजनिक भएको सिप्रदीका प्यासेन्जर भेहिकल बिजनेस युनिटका प्रमुख सावन्तजंग सिजापतिले बताए ।
