शेरबहादुर देउवा पश्चिमको राजकुमार : शशांक

हाम्रो इकोनोमि

 

नेपाली कांग्रेस राष्ट्रिय भेला आयोजक समितिका संयोजक डा. शशांक कोइरालाले पार्टीका पूर्वसभापति शेरबहादुर देउवाको प्रशंसा गरेका छन् । भेलामा बोल्दै उनले बिपीले देउवालाई पश्चिमको राजकुमार भनेको स्मरण गरे । उनले भने, शेरबहादुरजीलाई बी.पी. कोइरालाले पश्चिमको राजकुमार भन्नुहुन्थ्यो ।

उनले देउवा बनारस पहिलो चोटि आउँदा आफूले घुमाएको पनि स्मरण गरे। उनले देउवा आउने बित्तिकै भेला सफल भएको जिकिर गरे । उनले थपे, उहाँको स्वागतको लागि हिजो जुन उत्साह देखेँ, मलाई त अचम्म लाग्यो । शेरबहादुरजी नै हाम्रो नेता हो । हाम्रो सभापति शेरबहादुरजी हो । उहाँको नेतृत्वमा नेपाली कांग्रेस हिँड्छ । उनले कांग्रेसलाई एकजुट गर्नको लागि आफूहरूले भेला राखेको समेत बताए ।