नेपाललाई असफल राष्ट्र घोषित गर्ने षड्यन्त्र त हुँदै छैन : योगेश भट्टराई
नेकपा एमालेका उपमहासचिव योगेश भट्टराईले नेपाललाई असफल राष्ट्र घोषित गर्ने षड्यन्त्र भएको हुनसक्ने आशङ्का व्यक्त गरेका छन् । बालेन शाह नेतृत्वको सरकारले सामाजिक अराजकता र राज्यआतंक मार्फत असफल राष्ट्र घोषित गर्ने षडयन्त्र त हुँदैछैन ? भन्दै प्रश्न गरे ।
उनले भनेका छन्, संसद्लाई बेकम्मा बनाउने, न्यायालयलाई कब्जा गर्ने, सेना र प्रहरीलाई लाचार बनाउने, कर्मचारीको हुर्मत लिने, प्रेसमाथि सेन्सरसिप लगाउने, आफ्नै र अरू दललाई किनाराकृत गर्ने, व्यापारी र उद्योगीहरूलाई लखेट्ने, परराष्ट्र सम्बन्धलाई लथालिङ्ग बनाउने । उनले सरकारले गरिब र सुकुम्वासीहरूको उठीबास लगाउने, कानुन र संविधानको धज्जी उडाउने काम गरेको आरोप लगाए । धार्मिक र साम्प्रदायिक द्वन्द्वलाई बढवा दिने काम सरकारले गरेको बताए ।
