ग्लोबल आइएमई बैंकको नाइमा विशेष अफर, न्यूनतम् ५.२५% ब्याजदरमै अटो लोन

हाम्रो इकोनोमि

 

 

नयाँ गाडी किन्ने सोचमा हुनुहुन्छ ? अब गाडी किन्नका लागि कर्जा प्रक्रियालाई थप सहज र छिटो बनाउँदै ग्लोबल आइएमई बैंकले नाइमा अटो एक्सपोको अवसरमा आकर्षक अटो लोन योजना सार्वजनिक गरेको छ । नाइमा अटो एक्सपोमा नयाँ गाडी खरिद गर्ने ग्राहकले बैंकको आधारदरमा न्यूनतम ०.५ प्रतिशत प्रिमियम थप गरी अटो लोन लिन सक्ने बैकले जनाएको छ ।

जसअनुसार, हालको आधारदरमा न्यूनतम ५.२५ प्रतिशत ब्याजदर मा अटो लोन उपलब्ध हुने बैकले जनाएको छ ।  साथै, नाइमा अटो एक्सपोमा नयाँ इभी गाडी खरिद गर्ने ग्राहकका लागि ३ वर्षसम्म ५.९९ प्रतिशत स्थिर ब्याजदर को विशेष योजना पनि ल्याइएको बैकले जनाएको छ । ३ वर्षपछि भने उक्त कर्जाको ब्याजदर बैंकको आधारदरमा अधिकतम २ प्रतिशत प्रिमियम थप गरी कायम हुने बैकले जनाएको छ ।अझ विशेष कुरा, कर्जाका लागि बैंकसम्म पुगिरहनु पर्दैन ।

नाइमा अटो एक्सपोमै रहेको ग्लोबल आइएमई बैंकको स्टलबाटै कर्जाको आवेदन दिन सकिने बैकले जनाएको छ ।  आवश्यक कागजात पूरा गरेपछि बैंकले अधिकतम तीन दिनमै कर्जा स्वीकृतिपत्र उपलब्ध गराउने व्यवस्था गरेको बैकले जनाएको छ ।  त्यसैले, नयाँ गाडी वा इभी खरिद गर्ने योजना बनाउँदै हुनुहुन्छ भने नाइमा अटो एक्सपोमा रहेको ग्लोबल आइएमई बैंकको स्टल (S1)मा पुग्नुहोस् र सहज तथा छिटो अटो लोनको सुविधा लिन बैकले अनुरोध गरेको छ ।