गगन समूहले रास्वपासँग मित लगाएको मोहन बस्नेतको आरोप
नेपाली कांग्रेसका नेता मोहन बस्नेतले पार्टी सभापति गगन थापा समूहले रास्वपासँग मित लगाएको आरोप लगाएका छन् । कांग्रेसको सिन्धु काठमाडौं सम्पर्क समितिको युवा भेलालाई सम्बोधन गर्दै विगतको चुनावमा काठमाडौं ४ मा रास्वपाकै सहयोगमा गगनले चुनाव जितेको दाबी गरे । उनले भने नौटङ्की गरेर रास्वपासँग मित लगाएर हिजो थापाजीले काठमाडौं ४ मा जितेको हो ।
चितवनमा रास्वपालाई सहयोग गरेको कांग्रेस स्वयंले हो । होइन भन्ने कोही छ त्यसपछि अब त्यसरी ढाँटेर उहाँहरू अहिले पनि छलछाम गरेर भ्याउँछु भन्न खोजेको होलान् । उनले आफूहरूले धोई पखाली गरेर फेरि इमानदार, सक्षम कांग्रेस बनाउने खोजेको बताए । उनले भने, मुलुक र जनताको हित गर्ने कांग्रेस बनाउँछौँ । यो बकवास गरेर दुई चार दिनको लागि चटक देखाउने कांग्रेस होइन । मुलुक र जनता र प्रजातन्त्रको लागि सधैँ लड्ने कांग्रेस हो ।
