कांग्रेस असन्तुष्ट समूहले देउवासहितको राष्ट्रिय भेला गर्ने



हाम्रो इकोनोमि

 

 

सर्वोच्च अदालतले कांग्रेसको आधिकारिकता विवादमा पुनरावलोकन गर्ने अनुमति दिएसँगै पूर्वसभापति शेरबहादुर देउवा समूह उत्साहित भएको छ । गगन थापा नेतृत्वको कार्यसमितिलाई आधिकारिकता पाएपछि पार्टी विभाजनको तयारीमा रहेको देउवा तत्काललाई रोकिएको छ ।

हिजो प्रधानन्यायाधीश डा.मनोजकुमार शर्मासहित न्यायाधीशहरू नित्यानन्द पाण्डेय र श्रीकान्त पौडेलको पूर्ण इजलासले शेरबहादुर देउवा र पूर्णबहादुर खड्काको निवेदनमाथि सुनुवाइ फैसला पुनरावलोकनको आदेश दिएको थियो । सर्वोच्चको यो निर्णयपछि कांग्रेसको विवाद फेरि सर्वोच्चतिरै फर्किएको छ । यसअघिको फैसला पुनरावलोकन गर्न सर्वोच्चले फैसला दिएपनि देउवा समूहले साउन २९ गतेको राष्ट्रिय भेला नरोक्ने भएको छ ।

अब सर्वोच्चले गगन समूहलाई आधिकारिकता दिएको फैसला कायम राख्ने वा देउवा समूहलाई आधिकारिकता दिनेमध्ये एक फैसला गर्नेछ । तर, गगन समूहले आफूहरूले पाएको आधिकारिकता नै कायम रहने दाबी गर्दै आएको छ । सर्वोच्चले यसअघिको फैसलामा त्रुटि भएकै कारणले अहिले पुनरावलोकन गर्ने अनुमति दिएको नेता डा.प्रकाशशरण महतले बताए । अब सर्वोच्चको आदेश नआएसम्म पर्ख र हेरको अवस्थामा आफूहरू रहने बताए ।

उनले भेलाको तयारी भइसकेकाले नरोक्ने समेत बताए। उनले भने, भेला हुन्छ । कांग्रेसको यो स्थिति किन आयो ? अब कसरी अगाडि बढाउनुपर्छ ? विधान कस्तो हुनुपर्छ ? सङ्गठन कसरी चल्नुपर्छ ? आर्थिक नीति के हुनुपर्छ ? राजनीतिक दृष्टिकोण परिमार्जनलगायतको विषयमा छलफल गर्छौँ ।

महतले आफूहरू अझै एकताकै पक्षमा रहेको बताए । उनले थपे, भेला पार्टी विभाजनको लागि राखेका थिएनौँ । हाम्रो कोसिस एकता नै हो । तर केही गरी भएन भने अर्को बाटो लिनुपर्ने हुन सक्छ भन्ने मात्रै थियो । अब हाम्रो पक्षमा पनि एउटा सुनुवाइ हुनसक्ने अवस्था भएकाले अहिले त्यो बाटोमा तत्काल जानुपरेन ।

आदेश जसको पक्षमा आएपनि एकताबद्ध भएर जानुपर्ने बताउँदै उनले भने, हामी एकता नै गरेर जानुपर्छ भन्ने पक्षमा छौँ । उताबाट रेस्पोन्स गरेन भन्ने हाम्रो भनाइ थियो । हाम्रो पक्षमा निर्णय भोलि भएको अवस्थामा पनि हामीले मिलेरै जानुपर्छ । अदालतबाट अन्तिम फैसला आउन समय लाग्ने भएपनि तत्काल संस्थापन पक्षसँग संवाद नहुने उनको भनाइ छ ।

महतले भने, अहिले हामी भेलामा केन्द्रित छौँ । त्यसपछि एउटा विचार विमर्श हुनसक्छ । उनका अनुसार अहिले हङकङमा रहेका पूर्वसभापति देउवा पनि भेलामा सहभागी हुनेछन् । उनले थपे हामीले उहाँलाई पनि भेलामा निमन्त्रण गरेका छौँ । भेलाअघि २६ गते उहाँ आइपुग्नुहुन्छ । भेलामा पनि सहभागी हुनुहुन्छ ।

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...